Hosea 8:1-14
8 “Baya lonaka mo molomong wa gago!+
Mongwe o tla tla go tlhasela ntlo ya ga Jehofa jaaka ntsu,+Gonne ba tlodile kgolagano ya me,+ e bile ba tlodile molao wa me.+
2 Ba goela kwa go nna ba re, ‘Wena Modimo, rona Baiseraele re a go itse!’+
3 Iseraele o ganne se se molemo.+
A mmaba a mo latelele.
4 Ba tlhomile dikgosi, mme e se go ya ka thulaganyo ya me.
Ba tlhomile dikgosana kwantle ga tetla ya me.
Ba dirile medingwana ka selefera le gauta ya bone,+Mo go tla felelang ka gore ba senngwe.+
5 Namane ya gago e gannwe wena Samarea.+
Bogale jwa me bo ba tuketse.+
Ba tla tsaya lobaka lo lo kae ba palelwa ke go baakanya molato wa bone?
6 Gonne namane eo e tswa kwa Iseraele.
E dirilwe ke modiri yo o setswerere, mme ga se yone Modimo;Namane eo ya Samarea e tla thubaganngwa.
7 Gonne ba jala phefo,Mme ba tla roba phefo ya matsubutsubu.+
Ga go na lotlhaka lope lo lo tlhagisang dijo tsa ditlhaka tse di buduleng;*+Sengwe le sengwe se se tlhogang ga se tlhagise bupi.
Fa go ka direga gore bo tlhage, batswakwa ba tla bo kometsa.+
8 Baiseraele ba tla fedisiwa.+
Jaanong ba tla nna mo ditšhabeng,+Jaaka sejana se se sa batliweng.
9 Gonne ba ile kwa Asiria,+ fela jaaka pitse ya naga e e itaolang.
Eferaime o ile kwa diakeng.+
10 Le fa gone ba ile kwa diakeng tseo tsa ditšhaba,Jaanong ke tla ba phutha mmogo;Ba tla simolola go boga+ ka ntlha ya morwalo o o boima o kgosi le dikgosana di ba imetsang one.
11 Gonne Eferaime o okeditse dibeso gore a leofe.+
Di fetogile dibeso tse a di dirisetsang go leofa.+
12 Ke ne ka mo kwalela melao* e le mentsi;Le fa go ntse jalo, e ne e tsewa e le sengwe se se sa tlwaelegang.+
13 Ba nketshetsa* dimpho tsa ditlhabelo e bile ba ja nama,Le fa go ntse jalo, nna Jehofa ga ke di itumelele.+
Jaanong ke tla gakologelwa molato wa bone ke bo ke ba otlhaela maleo a bone.+
Ba boetse* kwa Egepeto.+
14 Iseraele o lebetse Modiri wa gagwe+ e bile o agile ditempele,+Mme Juda o okeditse metse e e sireletsegileng.+
Le fa go ntse jalo, ke tla tshuba metse ya gagwe ka molelo,Mme o tla laila ditora tsa motse mongwe le mongwe.”+
