Amose 6:1-14
6 “Ruri go latlhega ba ba itshepang thata* mo SionaLe ba ba ikutlwang ba sireletsegile mo thabeng ya Samarea,+E leng batho ba ba tlotlegang ba ditšhaba tse di tseelwang kwa godimo,Ba Baiseraele ba yang kwa go bone!
2 Kgabaganyetsang kwa Kalene mme lo bone.
Tswang koo mme lo ye kwa Hamathe yo Mogolo,+Lo bo lo ya kwa Gathe wa Bafilisitia.
A ba botoka go gaisa magosi ano,*Kgotsa a naga ya bone e kgolo go gaisa ya lona?
3 A lo itebatsa letsatsi la masetlapelo+Lo bo lo dira gore go buse batho ba ba ratang thubakanyo?+
4 Ba rapama mo ditulong tse di dirilweng ka lonaka lwa tlou+ e bile ba iketlile mo disofeng+Ba ntse ba ja diphelefu tsa letsomane le dinamane* tse di nonneng;+
5 Ba tlhama dipina tsa boeleele tse di tsamaisanang le modumo wa harepa,*+E bile ba dira diletswa jaaka Dafide;+
6 Ba nwa beine e tletse mo dikoping tse dikgolo,+E bile ba itlotsa ka leokwane la boleng jo bo kwa godimo.
Le fa go ntse jalo, ga ba tshwenyege ka* masetlapelo a a tlelang batho ba ga Josefa.+
7 Ka jalo, ba tla nna ba ntlha go isiwa botshwarwa,+Mme nako ya go ijesa monate e tla fela.
8 ‘Nna Morena Molaodimogolo Jehofa ke ikanne,’+ go bua Jehofa Modimo wa masomosomo,‘“Ke ila boikgogomoso jwa ga Jakobe,+Ke tlhoile ditora tsa gagwe tse di sireletsegileng,+Mme ke tla tsenya motse ono le se se tletseng mo go one mo seatleng sa baba ba one.+
9 “‘“Mme le fa batho ba le lesome ba ka sala mo ntlong e le nngwe, le bone ba tla swa.
10 Mongwe wa losika* o tla tla go ntsha ditopo tsa bone a bo a di fisa ka bongwe ka bongwe. O tla ntshetsa ditopo* tsa bone kwa ntle ga ntlo; go tswa foo, o tla raya ope fela yo o mo diphaposing tse di kwa teng tsa ntlo a re, ‘A go sa ntse go na le batho ba bangwe ba ba nang le wena?’ Mme ene o tla re, ‘Ga go na ope!’ Foo o tla re, ‘Didimala! Gonne eno ga se nako ya go umaka leina la ga Jehofa.’”
11 Gonne Jehofa ke ene a ntshitseng taelo,+Mme o tla diga ntlo e kgolo gore e sale e le mokoa wa maje,Le ntlo e potlana gore e sale e le marope fela.+
12 A dipitse di tla siana mo lefikeng,Kgotsa a motho o tla lema koo ka dikgomo?
Gonne lo fetotse tshiamiso lwa e dira semela se se botlhole,Le maungo a tshiamo lwa a dira longana.*+
13 Lo itumelela selo se se se nang mosola,Mme lwa re: “A ga re a nna maatla* ka ntlha ya nonofo ya rona?”+
14 Ka jalo, lona Baiseraele, ke tla romela setšhaba sengwe gore se tle go lo tlhasela,’+ go bua Jehofa, Modimo wa masomosomo,‘Mme se tla lo gatelela go simologa kwa Lebo-hamathe*+ go ya go fitlha kwa Molapong wa Araba.’”
Dintlha Tse di Kwa Tlase
^ Kgotsa “ba ba sa tshwenyegeng ka sepe.”
^ Go lebega go tewa bogosi jwa Juda le jwa Iseraele.
^ Kgotsa “dipowana.”
^ Kgotsa “seletswa sa megala.”
^ Seheb., “ga ba a ka ba lwatswa ke.”
^ Seheb., “Morwarraagwe rraagwe.”
^ Seheb., “marapo.”
^ Kgotsa “bogalaka.”
^ Seheb., “a itseela dinaka.”
^ Kgotsa “kwa kgorong ya Hamathe.”
