Amose 3:1-15

  • Go itsise katlholo ya Modimo (1-8)

    • Modimo o senola sephiri sa gagwe (7)

  • Molaetsa wa go atlholwa ga Samarea (9-15)

3  “Utlwang lefoko leno le Jehofa a le buileng ka ga lona, lona batho ba Iseraele, le le ka ga setšhaba sotlhe se a neng a se ntsha kwa lefatsheng la Egepeto:   ‘Ke lona fela ba ke neng ka lo itse mo ditšhabeng tsotlhe tse di mo lefatsheng.+ Ke gone ka moo ke tla lo otlhaelang melato yotlhe ya lona.+   A batho ba babedi ba ka tsamaya mmogo ba sa dumalana gore ba tla kopana?*   A tau e ka kurutla mo sekgweng e sa bolaya phologolo epe? A tawana* e ka duma mo lefelong le e iphitlhileng mo go lone e sa tshwara sepe?   A nonyane e ka wela mo seraing se seyo?* A serai se ka tlola mo mmung se sa tshwara sepe?   Fa go lediwa lonaka mo motseng, a batho ga ba rorome? Fa go nna le masetlapelo mo motseng, a ga se Jehofa a dirileng gore a nne teng?   Gonne Morena Molaodimogolo Jehofa ga a kitla a dira sepeA sa senolela batlhanka ba gagwe, e leng baporofeti, sephiri sa gagwe.+   Tau e kurutlile!+ Ke mang yo o se kitlang a boifa? Morena Molaodimogolo Jehofa o buile! Ke mang yo o se kitlang a porofeta?’+   ‘Itsiseng seno mo ditoreng tse di sireletsegileng tsa AshedodaLe mo ditoreng tse di sireletsegileng mo lefatsheng la Egepeto. Lo re: “Phuthegang lo ye go tlhasela dithaba tsa Samarea;+Bonang gore go diragala eng koo: Go tletse dikhuduego le tsietso.+ 10  Gonne ga ba itse go dira se se siameng,” go bua Jehofa,“Bone ba ba bolokang thubakanyo le tshenyo mo ditoreng tsa bone tse di sireletsegileng.”’ 11  Ka jalo, Morena Molaodimogolo Jehofa a re,‘Mmaba o tla dikologa naga eno,+O tla fedisa nonofo ya gago,E bile o tla gapa ditora tsa gago tse di sireletsegileng.’+ 12  Jehofa a re,‘Fela jaaka modisa a tsubula maoto a mabedi a nku kgotsa ntlha ya tsebe ya yone mo molomong wa tau,Ke yone tsela e batho ba Iseraele ba tla tsubulwang ka yone,Ba gone jaanong ba ntseng mo ditulong tsa manobonobo le mo disofeng tse dintlentle* kwa Samarea.’+ 13  ‘Utlwang mme lo tlhagise* ditlogolwana tsa ga Jakobe,’ go bua Morena Molaodimogolo Jehofa, Modimo wa masomosomo. 14  ‘Gonne mo letsatsing la fa ke otlhaela Iseraele melato yotlhe ya gagwe,+Gape ke tla atlhola dibeso tsa Bethele;+Dinaka tsa sebeso di tla kgaolwa di bo di wela fa fatshe.+ 15  Ke tla senya ntlo ya mariga mmogo le ntlo ya selemo.’ ‘Matlo a a dirilweng ka dinaka tsa tlou a tla nyelela,+E bile matlo a magolo* a tla fedisiwa,’+ go bua Jehofa.”

Dintlha Tse di Kwa Tlase

Kgotsa “ba sa kopana ka nako e ba e beileng?”
Kgotsa “tawana e e seriri.”
Kgotsa gongwe “go sa tsenngwa sepe se se ka e ngokelang mo seraing?”
Kgotsa “mo disofeng tsa kwa Damaseko.”
Kgotsa “lo neele bosupi jo bo latofatsang.”
Kgotsa gongwe “a mantsi.”