Amose 9:1-15

  • Dikatlholo tsa Modimo ga di ka ke tsa tshabelwa gope (1-10)

  • Loobo lwa ga Dafide lo tla tsosiwa (11-15)

9  Ke ne ka bona Jehofa+ a eme mo godimo ga sebeso, mme o ne a nthaya a re: “Itaya tlhogo ya pilara, gore ntlo e tle e reketle. Kgaola dipilara tseo mo tlhogong, mme ba ba setseng ke tla ba bolaya ka tšhaka. Ga go na ope yo o tla tshabang kgotsa yo o tla falolang.+   Fa ba ka ikepela kwa tlase mo Lebitleng,*Seatla sa me se tla ba ntsha teng koo;Mme fa ba ka tlhatlogela kwa magodimong,Ke tla ba folosa teng koo.   Mme fa ba ka iphitlha kwa godimo ga thaba ya Karemele,Ke tla ba batla teng koo ke bo ke ba ntsha.+ Fa ba ka imphitlhela kwa tlase mo lewatleng,Ke tla laela noga teng koo gore e ba lome.   Fa baba ba bone ba ka ba isa botshwarwa,Ke tla bolelela batho ba ba koo gore ba ba bolaye ka tšhaka;+Mme ke tla batla ditsela tsa gore ke ba tlisetse se se bosula, e seng se se molemo.+   Gonne Morena Molaodimogolo, Jehofa wa masomosomo, ke Ene yo o kgomang lefatsheGore le gakologe,+ mme batho botlhe ba ba nnang mo go lone ba tla hutsafala;+Mme lotlhe fela le tla kgaphasela jaaka noka ya Nile,Le bo le kokobela jaaka noka ya Nile e e kwa Egepeto.+   ‘Ene yo o agang ditepisi tsa gagwe kwa magodimongA bo a dira gore kago ya gagwe e tsepame mo godimo ga lefatshe;Ene yo o bitsang metsi a lewatleGore a tle a a tshololele mo lefatsheng,+Leina la gagwe ke Jehofa.’+   Jehofa a re, ‘A mo go nna ga lo tshwane fela le barwa ba Bakushe, lona bomorwa Iseraele? A ga ke a ka ka ntsha Baiseraele kwa lefatsheng la Egepeto?+ A ga ke a ka ka ntsha Bafilisitia kwa Kereta+ le Basiria kwa Kire?’+   ‘Nna Morena Molaodimogolo Jehofa ke tlhomile matlho a me mo bogosing jono jo bo dirang boleo,Mme ke tla bo nyeletsa mo lefatsheng.+ Le fa go ntse jalo, ga nkitla ke nyeletsa ditlogolwana tsa ga Jakobe gotlhelele,’+ go bua Jehofa.   ‘Gonne ke ntsha taelo,Mme ke tla gasamisetsa Baiseraele mo ditšhabeng tsotlhe,+Fela jaaka motho a tshikinya sêfêMme go sa nne le letlapana lepe le le borethe le le welang fa fatshe. 10  Batho ba me botlhe ba ba dirang boleo, ba tla bolawa ka tšhaka,Ba ba reng, “Masetlapelo ga a kitla a re atamela kgotsa a re tshwara.”’ 11  ‘Mo letsatsing leo, ke tla tsosa loobo* lwa ga Dafide+ lo lo oleng,Ke tla baakanya diphatlha tsa lone,*E bile ke tla tsosolosa marope a lone;Ke tla lo aga sesha gore lo nne jaaka mo malatsing a bogologolo,+ 12  Gore ba tle ba rue se se setseng kwa Edoma,+Le ditšhaba tsotlhe tse leina la me le bidiwang mo go tsone,’ go bua Jehofa, yo o dirang seno. 13  Jehofa a re, ‘Metlha e etla,E molemi a tla fitlhelang morobi a ntse a roba,Le e motho yo o tshwereng peo a tla fitlhelang yo o gatang morara* a ntse a o gata;+Mme dithaba di tla rotha beine e e botshe,+E bile e tla elela* mo dithoteng tsotlhe.+ 14  Ke tla phutha batho ba me ba Iseraele ba ba neng ba isitswe botshwarwa,+Mme ba tla tsosolosa metse e e sentsweng ba bo ba nna mo go yone;+Ba tla jala masimo a morara ba bo ba nwa beine ya one,+E bile ba tla dira ditshingwana ba bo ba ja maungo a tsone.’+ 15  ‘Ke tla ba jala mo nageng ya bone,Mme ga ba kitla ba tlhola ba kumolwa gapeMo nageng ya bone e ke ba e neileng,’+ go bua Jehofa, Modimo wa gago.”

Dintlha Tse di Kwa Tlase

Kgotsa “Sheole.” Bona Ditlhaloso Tsa Mafoko.
Kgotsa “tente; ntlwana.”
Kgotsa “tsone.”
Kgotsa “diterebe; moretlwa.”
Seheb., “nyerologa.”