Bakorintha wa Bobedi 10:1-18

  • Paulo o femela bodiredi jwa gagwe (1-18)

    • Dibetsa tsa rona ga se tse di tswang mo lefatsheng (4, 5)

10  Jaanong nna Paulo, ruri ke batla gore lo latele dilo tse ke lo di bolelelang. Fa ke bua le lona, ke etsa Keresete yo o boikokobetso e bile a le bonolo.+ Le fa go ntse jalo, bangwe ba lona ba re ke wa maemo a a kwa tlase fa ke na le lona,+ mme fa ke lo kwalela ke bua ke sa potapote.+  Ke tshepa gore, fa ke na le lona ga nkitla ke tshwanelwa ke go nna pelokgale ke bo ke kgalema ka bogale bangwe ba ba tsayang gore re dira dilo go dumalana le dikeletso tsa lefatshe.*  Gonne le fa re tshela mo lefatsheng leno,* ga re lwe jaaka batho ba lefatshe leno.  Gonne dibetsa tsa ntwa ya rona ga se tse di tswang mo lefatsheng leno,+ mme ke tse re di newang ke Modimo;+ di na le maatla a go pitikolola dilo tse di nweleletseng kwa teng thata.  Gonne re pitikolola dikakanyo le sekgoreletsi sengwe le sengwe se se kwa godimo se se dirang gore batho ba se ka ba itse Modimo,+ mme re laola kakanyo nngwe le nngwe jaaka legolegwa gore e ikobele Keresete;  e bile re ipaakanyeditse go otlhaya mongwe le mongwe yo o sa reetseng,+ fa fela lo ka bontsha gore lo a reetsa.  Lo atlhola go ya ka se lo se bonang. Fa mongwe a dumela gore ke wa ga Keresete, a a akanye gape ka kgang eno: Fela jaaka e le wa ga Keresete, le rona re ba ga Keresete.  Gonne le fa nka ikgantsha thata ka taolo e Morena a re e neileng ya go lo kgothatsa e seng go lo kgoba marapo,+ nka se tlhabiwe ke ditlhong.  Ga ke batle gore go lebege e kete ke leka go lo tshosa ka makwalo a me. 10  Gonne ba re: “Makwalo a gagwe a re tlhotlheletsa gore re nne kutlo e bile a maatla, mme fa a na le rona o bokoa e bile puo ya gagwe e a nyatsega.” 11  A motho yoo a lemoge gore se re se buang* ka makwalo fa re seyo, ke sone se re tla se dirang* fa re le teng.+ 12  Gonne ga re batle go ipapisa le batho ba ba itlotlomatsang, ba ba ikatlholang go ya ka se ba tsayang gore se siame.+ Fa ba ikatlhola ka tsela eno ba bontsha gore ga ba na tlhaloganyo.+ 13  Le fa go ntse jalo, ga re kitla re ikgantsha ka tiro e re sa e abelwang, mme re tla ikgantsha ka tiro e Modimo a re e abetseng, e bile seno se akaretsa go rerela le lona.+ 14  Mme gone, ga re a dira tiro e Modimo a sa re abelang yone fa re ne re tla kwa go lona, mme re ne re le ba ntlha go lo bolelela dikgang tse di molemo ka ga Keresete.+ 15  Nnyaa, ga re ikgantshe ka tiro e re sa e abelwang e motho yo mongwe a e dirileng ka natla, mme re solofela gore fa tumelo ya lona e ntse e gola, tiro e re e dirileng e tla oketsega mo go lona. Foo re tla kgona go dira se se oketsegileng, 16  ka go bolela dikgang tse di molemo mo dinageng tse dingwe, gore re tle re se ka ra ikgantsha ka se batho ba bangwe ba setseng ba se dirile mo dikabelong tsa bone. 17  “Mme yo o ikgantshang, a a ikgantshe mo go Jehofa.”*+ 18  Gonne Jehofa* o buelela motho yo a mo amogelang,+ mme ga a amogele motho yo o ipuelelang.+

Dintlha Tse di Kwa Tlase

Seger., “le nama.”
Seger., “mo nameng.”
Seger., “se re leng sone ka lefoko.”
Seger., “re tla nnang sone le ka ditiro.”