Bakorintha wa Bobedi 1:1-24

  • Ditumediso (1, 2)

  • Modimo o re gomotsa mo ditekong tsotlhe (3-11)

  • Dithulaganyo tsa loeto lwa ga Paulo di a fetoga (12-24)

1  Nna Paulo, yo ke nnileng moaposetoloi wa ga Keresete Jesu ka gonne Modimo a ratile, le Timotheo+ mokaulengwe wa rona, re kwalela phuthego ya Modimo e e kwa Korintha, mmogo le ba ba boitshepo botlhe ba ba kwa Akaia yotlhe:+  E kete Modimo Rraarona le Morena Jesu Keresete ba ka lo naya bopelonomi jo bogolo* le kagiso.  A go bakwe Modimo, Rraagwe Jesu Keresete Morena wa rona,+ Rara yo o kutlwelobotlhoko+ le Modimo yo o re gomotsang ka ditsela tsotlhe,+  yo o re gomotsang* mo ditekong* tsotlhe+ tse di re welang gore ka kgomotso e re e neilweng ke Modimo,+ re kgone go gomotsa ba bangwe+ ba ba wetsweng ke diteko* dipe fela.  Gonne fela jaaka re boga thata ka gonne re le balatedi ba ga Keresete,+ kgomotso e re e newang ka Keresete le yone e kgolo.  Jaanong fa re wetswe ke diteko,* lo a gomodiwa e bile lo a bolokwa; e bile fa re gomodiwa, lo a gomotsega, mme seno se lo thusa gore lo itshokele pogo e le rona re e bogang.  Mme tsholofelo e re nang le yone ka lona ga e reketle, ka gonne re a itse gore fela jaaka lo boga mmogo le rona, gape lo tla gomodiwa mmogo le rona.+  Bakaulengwe, re batla go lo bolelela ka mathata* a re neng ra nna le one kwa porofenseng ya Asia.+ A ne a re imela thata mo re neng re se na maatla, e bile re ne re sa itse gore a re tla tshela kgotsa nnyaa.+  Tota e bile, re ne re ikutlwa e kete re atlholetswe loso gore re tle re ikanye Modimo+ yo o tsosang baswi, e seng maatla a rona. 10  Modimo o ne a re namola mo boemong joo jo bo kotsi, e bile re na le tsholofelo ya gore o sa ntse a tla re namola.+ 11  Le lona lo ka re thusa ka go re rapelela ka tlhoafalo,+ ka gonne fa batho ba le bantsi ba re rapelela, Modimo o tla utlwa a bo a re thusa, mme seno se tla dira gore ba le bantsi ba leboge Modimo.+ 12  Gonne re ikgantsha ka gore re na le segakolodi se se phepa, ka gonne re itshwere ka tsela e e boitshepo e bile re pelontle fela jaaka Modimo a le pelontle. Ga re a ikaega ka botlhale jwa batho*+ mme re ikaegile ka bopelonomi jo bogolo jwa Modimo. Re ntse re itshwere jalo mo bathong ba lefatshe leno, mme segolobogolo fa re na le lona. 13  Tota re lo kwalela ka dilo tse lo kgonang go di bala* le go di tlhaloganya, e bile ke solofela gore lo tla tswelela lo di tlhaloganya ka botlalo,* 14  fela jaaka lo ka tswa lo tlhaloganya gore re dira gore lo ikgantshe, fela jaaka le lona lo tla dira gore re ikgantshe mo letsatsing la Morena wa rona Jesu. 15  Ka jalo, e re ka ke itse seno sentle, ke ne ke ikaeletse go tla pele kwa go lona lekgetlo la bobedi gore lo tle lo itumele gape;* 16  ke ne ke ikaeletse go lo etela fa ke ya kwa Makedonia, le gore ke boele kwa go lona fa ke tswa kwa Makedonia, go tswa foo lo bo lo mpuledisa* fa ke ya kwa Judea.+ 17  A ke ne ke tsaya dilo motlhofo fa ke ne ke batla go dira jalo? Kgotsa a ke ikaelela go dira dilo ke ikakanyetsa ke le nosi, mo e leng gore ka re, “Ee, ruri” go tswa foo ke bo ke re “Nnyaa, le e seng”? 18  Le fa go ntse jalo, lo ka ikanya Modimo gore fa re bua le lona, “ee” wa rona ga se “nnyaa.” 19  Gonne Morwa Modimo, e bong Keresete Jesu, yo nna le Silefano* le Timotheo+ re neng ra lo rerela ka ene, ga a re “ee” mme gone a raya “nnyaa,” go na le moo “ee” wa gagwe ka metlha o raya “ee.” 20  Gonne le fa ditsholofetso tsa Modimo di ka nna dintsi jang, di nnile “ee” ka ene.+ Gape fa re rapela Modimo re re “Amen” re dirisa leina la ga Jesu, re galaletsa Modimo.+ 21  Mme Modimo ke ene yo o tlhomamisang gore lona le rona re ba ga Keresete e bile ke ene yo o re tlhophileng.+ 22  Gape o beile letshwao la gagwe mo go rona.+ Letshwao leo ke moya o o boitshepo+ o o mo dipelong tsa rona, mme ke tsholofetso* ya se se tla tlang. 23  Jaanong ke ikana fa pele ga Modimo ka botshelo* jwa me gore ga ke ise ke tle mo Korintha ka gonne ke sa batle go lo utlwisa botlhoko. 24  Ga se gore re laola tumelo ya lona,+ mme re dira mmogo le lona gore lo itumele, ka gonne lo eme ka tumelo ya lona.

Dintlha Tse di Kwa Tlase

Kgotsa “kgothatsang.”
Kgotsa “pitlagano.”
Kgotsa “pitlagano.”
Kgotsa “pitlagano.”
Seger., “pitlagano.”
Seger., “nama.”
Kgotsa gongwe “tse lo setseng lo di itse sentle.”
Seger., “go ya bokhutlong.”
Kgotsa gongwe “gore lo solegelwe molemo lekgetlo la bobedi.”
Kgotsa “mphelegetsa.”
Gape o bidiwa Silase.
Kgotsa “peeletso.”
Seger., “psy·kheʹ.” Bona Ditlhaloso Tsa Mafoko.