Mikea 5:1-15

  • Mexxej kbir fuq l-art kollha (1-6)

    • Il-mexxej se jiġi minn Betlem (2)

  • Dawk li jifdal se jkunu bħal nida u bħal iljun (7-9)

  • Il-pajjiż se jiġi mnaddaf (10-15)

5  “Bint* li qiegħda taħt attakk,Issa qed tqattaʼ lilek innifsek;Assedjawna. Lill-imħallef t’Iżrael tawh daqqa taʼ bastun fuq wiċċu.  2  ‘U int, Betlem t’Efrata,Għalkemm int żgħira ħafna biex tkun fost l-eluf taʼ Ġuda,Minnek se joħroġ mexxej li jagħmel dak li rrid jien,Li l-oriġini tiegħu hi minn żmien il-qedem, minn żmien twil ilu.’  3  Għalhekk, Alla se jabbanduna lin-nies tiegħuSaż-żmien li l-mara* li kienet se twelled, tkun welldet. U l-bqija taʼ ħut il-mexxej se jmorru lura għand il-poplu t’Iżrael.  4  Hu se jaġixxi u jirgħa l-poplu t’Alla bil-qawwa taʼ Ġeħova,Bl-awtorità taʼ Ġeħova l-Alla tiegħu, li ismu hu glorjuż. Huma se jgħixu moħħhom mistrieħ,Għax il-kobor tiegħu se jasal sa truf l-art.  5  Hu se jġib il-paċi. Jekk Assirjan jinvadi l-pajjiż tagħna jew ikisser it-torrijiet iffortifikati tagħna,Aħna ninkarigaw sebaʼ ragħajja, iva, tmien prinċpijiet* minn fost il-bnedmin biex jiġġildulu.  6  Huma se jikkastigaw l-art tal-Assirja bix-xabla,U se jmorru sal-fruntieri tal-art taʼ Nimrod. U hu se jeħlisna mill-AssirjanMeta dan jidħol fl-art tagħna u jattakka t-territorju tagħna.  7  Dawk li jifdal mid-dar taʼ Ġakobb se jkunu f’nofs ħafna popli,Bħal nida mingħand Ġeħova,Bħal ħalbiet taʼ xita fuq il-ħxejjex,Li ma jittamawx fil-bniedemU ma jistennewx lin-nies.  8  Dawk li jifdal mid-dar taʼ Ġakobb se jkunu f’nofs il-ġnus,F’nofs il-ħafna popli,Bħal iljun qalb l-annimali tal-foresta,Bħal iljun b’saħħtu qalb l-imrieħel tan-nagħaġLi jgħaddi minn nofshom, jattakkahom, u jqattagħhom biċċiet;U ma jkun hemm ħadd biex isalvahom.  9  Intom se tirbħu lill-avversarji tagħkom,U l-għedewwa kollha tagħkom se jinqerdu.” 10  Ġeħova jgħid: “Dakinhar,Jien se nneħħi ż-żwiemel minn nofskom u neqred il-karrijiet tagħkom. 11  Se neqred il-bliet tal-art tagħkomU se nwaqqaʼ l-postijiet iffortifikati kollha tagħkom. 12  Jien se neqred is-sħaħar,U ħadd minn dawk li jipprattikaw il-maġija mhu se jibqaʼ fostkom. 13  Jien se neqred l-istatwi minquxin tagħkom u l-pilastri sagri minn nofskom,U mhux se tmilu iktar quddiem xogħol idejkom. 14  Jien se nneħħi l-arbli sagri* tagħkom minn nofskomU neqred għalkollox il-bliet tagħkom. 15  B’rabja u korla se nagħmel vendettaMinn dawk il-popli li m’obdewx.”

Noti taʼ taħt

^ Din hi espressjoni poetika li tirreferi għal Sijon jew għan-nies tagħha.
^ Milli jidher din tirreferi għal Sijon.
^ Jew “mexxejja.”