Mikea 1:1-16
1 Fi żmien Ġotam, Aħaż, u Ħeżekija, ir-rejiet taʼ Ġuda, jien Mikea* minn Moreset irċivejt dan il-messaġġ mingħand Ġeħova f’viżjoni dwar is-Samarija u Ġerusalemm:
2 “Nies kollha, isimgħu!
L-art u kulma fiha, oqogħdu attenti,Ġeħova hu fit-tempju qaddis tiegħu.Ħallu lil Ġeħova s-Sid taʼ Kollox* ikun xhud kontrikom.
3 Ġeħova se joħroġ mill-post fejn joqgħod;Hu se jinżel u jimxi fuq il-muntanji tal-art.
4 Il-muntanji se jdubu taħtuBħax-xemaʼ quddiem in-nar,U l-widien* se jinqasmuBħall-ilmijiet li jinżlu minn niżla wieqfa.
5 Dan kollu ġara minħabba r-ribelljoni taʼ Ġakobb,U d-dnubiet tal-poplu t’Iżrael.
Min hu responsabbli għar-ribelljoni taʼ Ġakobb?
Mhux is-Samarija?
U min hu responsabbli għall-postijiet tal-qima falza taʼ Ġuda?
Mhux Ġerusalemm?
6 Lis-Samarija se nagħmilha ħerba,Post fejn iħawlu d-dwieli;Se nwaddab il-ġebel li ntuża biex jibnuha fil-wied,U se nikxef il-pedamenti tagħha.
7 L-istatwi minquxin kollha tagħha se jitfarrku,U r-rigali kollha li ħadet bħala ħlas* se jinħarqu fin-nar.
Jien se neqred l-idoli kollha tagħha.
Għax hi ġabithom mill-ħlas tal-prostituzzjoni,U dawn se jerġgħu jsiru ħlas taʼ prostituzzjoni xi mkien ieħor.”
8 Minħabba f’hekk, jien se nibki b’leħen għoli;Se nimxi ħafi u għarwien.*
Il-biki tiegħi se jkun bħal tal-klieb slavaġ,U d-dwejjaq tiegħi bħal tan-ngħam.*
9 Għax il-ferita tagħha ma tistax tfiq;Din waslet sa Ġuda.
Il-kastig infirex sal-bieb tal-poplu tiegħi, sa Ġerusalemm.
10 “Tħabbrux x’qed jiġri f’Gat;M’għandkomx tibku.
Tmiegħku fit-trab f’Bet-afra.*
11 Nies taʼ Safir, itilqu għarwenin u umiljati.
Dawk li joqogħdu Sanan ma ħarġux mill-belt.
Se jkun hemm biki kbir f’Bet-esel, il-belt li qabel kienet ir-refuġju tagħkom.
12 Dawk li joqogħdu Marot stennew affarijiet tajbin,Imma dak li hu ħażin niżel mingħand Ġeħova fil-bieb taʼ Ġerusalemm.
13 Nies taʼ Lakis, orbtu l-karru maż-żwiemel.
Intom kontu l-bidu tad-dnub għal bint Sijon,Għax fik instabet ir-ribelljoni t’Iżrael.
14 Hu għalhekk li se jkollok tagħti rigali lil Moreset-gat meta hi tkun se titlaq.
In-nies t’Akżib qarrqu bir-rejiet t’Iżrael.
15 Nies taʼ Maresah, jien se nġib kontrikom l-għadu li jaħtaf kollox.
Il-glorja t’Iżrael se tasal s’Għadullam.
16 Aqtgħu u qaxxru xagħarkom minħabba dak li se jiġri lit-tfal tagħkom li tħobbu.
Ħa tkun il-qargħa tagħkom bħal dik t’avultun,*Għax dawn ħaduhomlkom fl-eżilju.”
Noti taʼ taħt
^ Forma mqassra taʼ Mikiel (ifisser “Min Hu bħal Alla?”) jew taʼ Mikaja (ifisser “Min Hu bħal Ġeħova?”).
^ Jew “lill-Mulej Sovran Ġeħova.”
^ Jew “il-pjanuri l-baxxi.”
^ Jew “ħlas tal-prostituzzjoni tagħha.”
^ Jew “kemxejn imlibbes.”
^ Jiġifieri ostriches.
^ Jew “fid-dar t’Afra.”
^ Din il-kelma bl-Ebrajk tistaʼ tirreferi wkoll għal ajkla.
