Mikea 3:1-12
3 Jien għedt: “Jekk jogħġobkom, isimgħu kapijiet taʼ ĠakobbU intom mexxejja tal-poplu t’Iżrael.
Ma jmisskomx intom tkunu tafu dak li hu ġust?
2 Imma intom tobogħdu dak li hu tajjeb u tħobbu dak li hu ħażin;Intom tqaxxru l-ġilda tal-poplu tiegħi u tneħħulhom il-laħam tagħhom minn mal-għadam.
3 Intom tieklu l-laħam tal-poplu tiegħi,Tqaxxrulhom il-ġilda tagħhom,U tkissrulhom l-għadam tagħhom u ġġibuh biċċiet,Bħal għadam u laħam li jsir f’borma.
4 F’dak iż-żmien, huma se jgħajtu lil Ġeħova għall-għajnuna,Imma hu mhux se jwiġibhom.
F’dak iż-żmien, hu se jaħbi wiċċu minnhom,Minħabba l-ħażen li għamlu.
5 Il-profeti qed ibiegħdu lill-poplu tiegħi mit-triq it-tajba,Huma qed jgħidu, ‘Paċi!’ meta jkollhom xi ħaġa f’ħalqhom x’jomogħdu,*Imma jiddikjaraw gwerra kontra min ma jitfgħalhom xejn f’ħalqhom.
Hekk jgħid Ġeħova kontra dawn il-profeti:
6 ‘Intom se tkunu fid-dlam bħal-lejl, u mhux se jkollkom viżjonijiet;Se jkollkom dlam biss, u mhux se tibqgħu tipprattikaw it-teħbir.
Ix-xemx se tinżel fuq il-profeti,U l-ġurnata se tinbidel f’lejl.
7 Dawk li jirċievu l-viżjonijiet se jkollhom jistħu,U dawk li jipprattikaw it-teħbir se jkunu ddiżappuntati.
Kollha kemm huma se jkollhom jgħattu l-mustaċċi,*Għax mhux se jkun hemm tweġiba minn Alla.’”
8 Imma lili, l-ispirtu taʼ Ġeħova tani l-qawwaBiex naġixxi bil-ġustizzja u l-kuraġġ,Biex ngħid lil Ġakobb dwar ir-ribelljoni tiegħu u lil Iżrael id-dnub tiegħu.
9 Jekk jogħġobkom, isimgħu dan kapijiet tad-dar taʼ ĠakobbU intom mexxejja tal-poplu t’Iżrael,Li tobogħdu l-ġustizzja u tgħawġu dak kollu li hu dritt,
10 Li bnejtu lil Sijon bid-demm tan-nies u lil Ġerusalemm bl-inġustizzji.
11 Il-mexxejja* tagħha jieħdu t-tixħim biex jiġġudikaw,Il-qassisin tagħha jitolbu l-ħlas biex jgħallmu,U l-profeti tagħha jipprattikaw it-teħbir għall-flus.*
Madankollu, huma jgħidu li jistrieħu fuq Ġeħova, billi jgħidu:
“Ġeħova mhux magħna qiegħed?
L-ebda diżastru mhu ġej fuqna.”
12 Għalhekk, minħabba fikom,Sijon se tiġi maħruta bħal għalqa,Ġerusalemm se ssir ħerba sħiħa,U l-muntanja tat-tempju* se ssir bħal għolja mimlija siġar.
Noti taʼ taħt
^ Letteralment “meta jigdmu bi snienhom.”
^ Jew “ħalqhom.”
^ Letteralment “Il-kapijiet.”
^ Jew “għall-fidda.”
^ Letteralment “tad-Dar.”
