9 DESAMBRA 2022 | VAOVAO FARANY: 25 APRILY 2023
ROSIA

VAOVAO FARANY: MANDOA LAMANDY ILAY ANABAVY | “Mivavaka Amin’ny Fo no Tena Manampy Ahy”

HANDEFA

Nomelohin’ny Fitsaram-paritr’i Metallurgicheskiy, any Tcheliabinsk, ny Ranabavy Irina Mikhaylenko tamin’ny 25 Aprily 2023. Asaina mandoa lamandy 120 000 rouble (6 tapitrisa ariary mahery) izy.

Ilay voampanga

Irina Mikhaylenko

Teraka: 1969 (Tcheliabinsk, any amin’ny Faritr’i Tcheliabinsk)

Mombamomba azy: Nanorina biraon’ny mpisolovava iray sady tompon’andraikitra ao amin’izy io

Nahaliana be azy ny fahatanterahan’ny faminanian’ny Baiboly sy ilay hoe tena azo ampiharina ny toro lalana ao amin’izy io. Natao batisa dia lasa Vavolombelon’i Jehovah tamin’ny 1997

Resadresaka nifanaovana taminy

Inona no nanampy anao hiadan-tsaina foana?

Nanampy be ahy ny ohatr’i Jesosy. Nivavaka mafy imbetsaka izy rehefa niady saina be, tamin’izy tao amin’ny zaridainan’ny Getsemane. Mbola nivavaka mafy ihany izy na dia efa avy nampaherezin’ny anjely aza. (Lioka 22:41-44) Mivavaka amin’ny fo no tena manampy ahy rehefa manahy aho na matahotra.

Mbola miatrika fitsarana koa ny Ranadahy Dmitriy Mikhaylov amin’izao, fa tiako be ny zavatra nolazainy tamin’izy nohadinadinina. Nilaza izy hoe: “Vao mainka isika hijaly raha mifantoka amin’ny zavatra nafointsika. Vetivety anefa isika dia ho faly indray raha tonga dia ekentsika hoe niova ny fiainantsika. Fa sady mila miezaka manararaotra an’ilay toe-javatra isika mba hanompoana an’i Jehovah sy hanampiana ny hafa.” Nisy vokany be tamiko ireo teniny ireo. Rehefa nanaraka an’ilay izy aho dia lasa faly sady lasa te hiezaka hanao izay fara vitako.

Mampahery antsika ny fahazotoan’i Irina sy ny fatokisany an’i Jehovah. Mbola manohy “miaro ny ain’izay tsy mivadika aminy” foana i Jehovah.—Salamo 97:10.

Zava-nitranga

26 Martsa 2019

Nisava tranona fianakaviana Vavolombelon’i Jehovah folo tany Tcheliabinsk ny mpanao fisavana. Anisan’ireo nosavana koa ny tranon’i Irina
31 Aogositra 2021

Voampanga hoe mpanao heloka bevava
22 Oktobra 2021

Naverina nosavana ny tranony. Nalaina mba hatao fanadihadiana izy. Tsy nahazo niala ny faritra nisy azy
27 Oktobra 2021

Voaheloka satria nandray anjara tamin’ny asa ataon’ny fikambanana ara-pivavahana voarara
7 Septambra 2022

Nanomboka notsaraina

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO