Yobi 13:1-28

  • Yobi okwamanene vana e mvutu (1-28)

    • ‘Nzolele vova kwa Nzambi’ (3)

    • “Nu awuki akondwa mfunu” (4)

    • “Nzeye wo vo ndungidi ngina yau” (18)

    • Oyuvuidi ekuma Nzambi kekumbadikilanga vo mbeni andi (24)

13  “Elo, meso mame mamwene mawonso mama,Matu mame mawidi yo bakula mo.   Dina nuzeye, mono mpe nzeye dio;Yeno ke nunsundidi ko.   I kuma nzolele vovela kwa yandi kibeni Mpungu-ngolo;Nzolele sunzula diambu diame vana ndose a Nzambi.+   Kansi yeno nunsafwidi ye luvunu;Yeno awonso nu awuki akondwa mfunu.+   Kele vo nuakala pi-i,Diadi kala dia ngangu kwa yeno.+   Dodokolo, nuwá ngindu zame,Nuwunikina mvovo mia nu’ame.   Nga nuvova vilwa muna wete wa Nzambi,Yo vova luvunu muna wete diandi?   Nga nukuyisia kuna sambu diandi,*Yo vava yikama Nzambi aludi muna diambu diadi?   Adieyi dikunubwila kele vo unufimpidi?+ Nga nukumvuna wauna nuvuninanga o wantu? 10  Kieleka, tumba kekunutumbaAvo nukala ye fu kia sola ndose za wantu kuna kinsweki.+ 11  O nene wandi nga ke ukunuzakamesa ko,O wonga wandi ke ukunulwakila ko e? 12  E mvovo mieno mia ngangu* yingana yakondwa o mfunu;*E nuaninua yeno* yakondwa ngolo nze ngubu za tûma. 13  Nudingalala kimana yavova. Konso diambu dikumbwila, yambula diambwila! 14  Ekuma ikisididi mu vonza,*Yo sia moyo ame va moko mame? 15  Kana una vo olenda kumponda, ivingila;+Ivovela diambu diame* vana ndose andi. 16  Okala se luvuluzu lwame,+Kadi kimpumbulu* ke telama vana ndose andi ko.+ 17  Nutoma wá diambu diame;Nutamba matu muna mvovo miame. 18  Owau nkubikidi mfundu ame;Nzeye wo vo ndungidi ngina yau. 19  Nani otantana yame? Avo yakala pi-i, fwa ifwa!* 20  E Nzambi, umpana kaka mambu mole,*Kimana yalembi swekama va ndose aku: 21  Katula koko kwaku kwamfinga vava ngina,Kuyambula ko vo wonga mu kuma kiaku wanzakamesa.+ 22  Obokela, mono itambulwila,Yambula yavova, wampana e mvutu. 23  Mambi mame ye masumu mame, ameyi? Unzayisa e mbi ame ye sumu diame. 24  Nkia kuma oswekele ndose aku+Yo kumbwena se mbeni aku?+ 25  Nga ovava vumisa lukaya lwavevomonua kwa tembwa? Yovo landa titi kiayuma? 26  Kadi wakinu kunsonekena mambu mandudi,Yo kumbwesesa mpasi mu kuma kia masumu ma kileke kiame. 27  Ongeye osidi malu mame muna nsuku,Ofimpidi nzila zame zawonso,Yo fimpa ntambi zame zawonso. 28  O muntu* obotomokanga nze lekwa kiawola,Nze mvuatu wadiwa kwa nselele.

Mvovo vana yand'a lukaya

Mvovo wa sina: “ntima.”
Yovo “nusia mpambula muna wete diandi.”
Yovo “Luyindwilu lweno.”
Mvovo wa sina: “yingana ya ntoto ampolo.”
Mvovo wa sina: “E ngubu zeno za.”
Mvovo wa sina: “Ekuma inatinanga nitu ame mu meno mame?”
Yovo “nzila zame.”
Yovo “mvengomoki.”
Nanga, “Avo vena ye muntu lenda wo vanga, ibutama kwame yo fwa.”
Mvovo wa sina: “kumpangi mambu mau mole ko.”