Yobi 33:1-33
33 “Owau, e Yobi, dodokolo wá mvovo miame;Tamba matu muna mawonso ivova.
2 Dodokolo, yambula yabatuna o nu’ame;O lubini lwame* luvova.
3 E mvovo miame miyika unsongi wa ntim’ame,+Mana nzeye i mau mevovanga e befo yame ye ziku kiawonso.
4 O mwand’a Nzambi umpangidi,+E fulumwinu kia Mpungu-ngolo kimpene moyo.+
5 Umpana e mvutu, avo olenda;Sunzula mambu maku ova ngina; kubama.
6 Tala, ngina nze ngeye vana ndose a Nzambi aludi;Mono mpe mu ntoto yavangilwa.+
7 I dianu vo kuzakami ye wonga ko mu kuma kiame,Ke vena diambu diame ko dikukosomona.
8 Ovovelenge mu matu mame,Kieleka, nkumbu miayingi ngwidi e mvovo emi:
9 ‘Yavelela, kivangidi kwame mbi ko;+Yavelela, kina ye kuma ko.+
10 Kansi Nzambi osolwele kuma muna kunsia kitantu;Umbadikidi vo i mbeni andi.+
11 Osidi malu mame muna nsuku;Ofimpidi nzila zame zawonso.’+
12 Ongeye kuna ye ndungidi ko muna diambu diadi ovovele, ozevo yambula yavana e mvutu:
Nzambi osundidi o nene ke mu mpasi muntu ko.+
13 Ekuma otantanene yandi?+
Nga mu kuma kia sia vo kavene mvutu ko muna mvovo miaku miawonso?+
14 Kadi Nzambi ovovanga nkumbu antete ye nkumbu anzole,Kansi ke muntu ko otambanga matu.
15 Ovovelanga muna ndozi, muna mona-meso kia fuku,+Vava wantu belwakilwanga kwa tulu twangoloVava belekanga vana mfulu zau.
16 I bosi, okakula matu mau+Yo kotesa* malongi mandi muna ngindu zau,
17 Kimana kavengomona muntu muna mavangu mambi+Yo tanina muntu muna umvuania.+
18 Nzambi ovengese moyo andi muna wulu,*+O moyo andi walembi fwila muna nsosolo.*
19 O muntu olongwa kwa mpasi vana mfulu andiYe nkwamu a ndunzi za visi yandi,
20 I dianu vo moyo andi umengene mbolo,Omengene* nkutu madia mambote.+
21 E nitu andi iladidi,E visi yandi yaswekama, imonekene.*
22 O moyo andi ufinamene wulu;*
O moyo andi ufinamene avondi.
23 Avo kakala ye nati a nsangu,*Ye kimpovela kimosi vana vena funda,Kasonga kwa muntu edi diansongi,
24 O Nzambi kansonga dienga yo vova:
‘Umvuluza kalembi kulumuka muna wulu!*+
Nsolwele lukûlu!+
25 Yambula e nitu andi yakituka se yampa,* lutila nitu ya kileke;+Yambula kavutukila e ngolo zina kakala zau muna lumbu ya kileke kiandi.’+
26 Ododokela Nzambi,+ okuntambulwila,Okala ye kiese kiamona ndose andi,Ovutula unsongi wandi kwa muntu.
27 O muntu ndioyo ovova* kwa wantu vo:
‘Nsumukini,+ mbendomwene edi diansongi,Kansi, kitambwidi dina mfwanukini ko.*
28 Ovuluzi moyo ame walembi kulumuka muna wulu,*+O moyo ame umona e ntemo.’
29 Kieleka, Nzambi ovanganga mawonso mamaNkumbu miole, nkumbu ntatu, muna wete dia muntu,
30 Kantombola* muna wulu,*Kimana kamona diaka ntemo a moyo.+
31 E Yobi, tamb’o matu, ungwa!
Kala e pi-i, ikwamanana vova.
32 Avo diambu una diau, umpana e mvutu.
Vova, kadi nzolele songa vo ndungidi una yau.
33 Avo kuna ye diambu ko, ungunikina;Kala e pi-i, ikulonga e ngangu.”
Mvovo vana yand'a lukaya
^ Mvovo wa sina: “lubini lwame ye ntandu a nu’ame.”
^ Mvovo wa sina: “kubasia dimbu kia.”
^ Yovo “ziami.”
^ Yovo “nkele (maswanga).”
^ Mvovo wa sina: “Moyo andi umengene.”
^ Yovo “isenzamene.”
^ Yovo “ziami.”
^ Yovo “mbasi.”
^ Yovo “ziami.”
^ Yovo “yakala yo vimpi.”
^ Mvovo wa sina: “oyimbila.”
^ Nanga, “Ediadi ke dintwasidi nluta ko.”
^ Yovo “ziami.”
^ Yovo “Katombola moyo andi.”
^ Yovo “ziami.”
