Yobi 35:1-16
35 Eleyu ovutwidi diaka vo:
2 “Nga ndungidi kikilu una yau wau ovovele vo:
‘Nsundidi Nzambi muna unsongi’?+
3 Kadi ovovele vo: ‘Ediadi nkia mfunu dina kwa ngeye?*
Kele vo yasumuka, nga zingu kiame kiambote kiadi kala?’+
4 Ikuvutula
Ye akundi+ aku.
5 Tala kuna zulu wamona,Tala matuti+ mana malutidi zanguka vana ntandu aku.
6 Avo osumukini, nkia mpasi okuntwasila?+
Avo masumu maku mawokele, nkia diambu mekumvanga?+
7 Avo u nsongi, nki okumvana;Nki ketambula kwa ngeye?+
8 O bi waku, nkwaku kaka utwasila e mfwilu,O unsongi waku mwan’a muntu kaka utwasila nluta.
9 Wantu bekazanga mu kuma kia lubangamu lwayingi;Bekazanga vo bavevolwa muna wisa kia* akwa nkuma.+
10 Kansi ke muntu ko ovovele vo: ‘Akweyi kena Nzambi wa Mvangi ame Anene,+Ona ofilanga wantu bayimbila nkunga muna fuku?’+
11 Okutulonganga+ ke mu bulu ya nza ko,+Yo luta kutuvana ngangu ke mu nuni za zulu ko.
12 Wantu bekazanga, kansi yandi kavutwidi ko,+Mu kuma kia lulendo lwa yimpumbulu.+
13 Kieleka, Nzambi ke wanga kazu kiankatu ko;*+O Mpungu-ngolo ke sianga kio sungididi ko.
14 Musungula vava oyidimanga vo kumwene ko!+
O mfundu aku wina vana kena, i dianu vo kwa yandi ofwete vingila ye tima diawonso.+
15 Kansi, kantumbidi kuna makasi koNgatu sia sungididi muna lulendo lwandi.+
16 Yobi oziwidi nu’andi mu nkatu;Osakisi vova mambu kondwa kwa zayi.”+
Mvovo vana yand'a lukaya
^ Nanga Nzambi oyikwanga.
^ Mvovo wa sina: “vana koko kwa.”
^ Yovo “luvunu ko.”
