Yobi 3:1-26

  • Yobi okendalele mu kuma kia luwutuku lwandi (1-26)

    • Yobi oyuvuidi ekuma kemwenanga e mpasi (20, 21)

3  I bosi, Yobi oyantikidi vova yo siba e lumbu kia luwutuku lwandi.*+  Yobi ovovele vo:   “E lumbu kina yawutuka, yambula kiavila,+Ye fuku una muntu mosi kavova vo: ‘Mwan’a yakala owutukidi!’   E lumbu kiakina, yambula kiakala tombe. O Nzambi koko zulu kalembi kio vua o mfunu;Yambula kialembi temena ntemo.   Yambula kiaminua kwa tombe kin’e bu.* Yambula kiafukwa kwa tuti dia mvula. E lekwa ilombolanga kûma yamwesa kio wonga.   O fuku wauna, yambula wabakwa kwa tombe kin’e bu;+Walembi mona kiese mu lumbu ya mvu,Walembi kota muna lutangu lwa ngonde.   Elo, o fuku wauna yambula wakituka sita;Ke muwakana kazu kiakiese ko.   Awana besibanga e lumbu, yambula basiba kio,Awana balenda sikamesa Leviatane.*+   Yambula ntetembwa zandi zankielelo zalomboka;Yambula kavingila ntemo, kansi wau kamoni,Yambula o fuku wauna walembi mona ntemo ankielelo. 10  Kadi ke ukakidi vumu kia ngudi ame ko;+Ngatu sweka e mpasi muna meso mame. 11  Ekuma yalembi fwila vava yawutuka? Ekuma yalembi vidila vava yavaika muna vumu?+ 12  Ekuma vakadila e nkata yandelaYe ntulu zina zangiemeka? 13  Owau nga yalavalala kwame kuna luvuvamu;+Nga yadi leka kwame yo vunda+ 14  Kumosi ye ntinu mia nza ye aludiki au,Ana bakitungila e fulu ina owau se mazumbu,* 15  Yovo ye mfumu zina zakala ye wolo,E nzo zau zazala ye palata. 16  Yovo ekuma yalembi kadila nze mwana wasuluka lembi zayakana kwa wantu,Nze nsedia mialembi mona ntemo? 17  Muna lufwa mufokokelanga kana nkutu mavuanga ma yimpumbulu;I mûna muvundilanga ana bayoyele.+ 18  I mûna abakami bekadilanga kumosi muna luvuvamu;Ke bewanga nding’a muntu ko okubatuminanga vo basala. 19  Muna lufwa, anene ye andwelo bafwanana,+O ntaudi ovevokele muna mfumu andi. 20  Ekuma kavanini o ntemo kwa mumbona-mpasiYo moyo kw’awana bakendalala?+ 21  Ekuma bevavilanga lufwa, kansi ke lukwizanga ko?+ Bevavanga lufwa lutila tusalu twaswekama, 22  Ana bena ye kiese kiayingi,Beyangalalanga vava besololanga e ziami. 23  Ekuma kavanini ntemo kwa muntu ovilakene nzil’andi,Ona Nzambi kazietes’e yaka?+ 24  Kadi vana fulu kia dia, ivumukanga,+E bumu yame+ ina nze maza ma nkoko mekumbanga. 25  Kadi dina dianzakamesanga dindwakidi,Dina yamwenanga wonga dimbwididi. 26  Kina ye luvuvamu ko yovo ngemba ngatu vundu,E mpasi zakinu kwiza.”

Mvovo vana yand'a lukaya

Mvovo wa sina: “osibidi lumbu yandi.”
Yovo “tombe ye kini kia lufwa kiabaka kio.”
Obadikilwanga vo ngandu yovo mbizi ankaka yanene ye yangolo.
Nanga, “ana bakitungila e fulu ina yasala nkatu.”