Yobi 16:1-22

  • Mvutu za Yobi (1-22)

    • “Vana fulu kia kumfiaulwisa, nusakisi e mpasi zame!” (2)

    • Ovovele vo Nzambi unkitwidi nze lekwa kazolele nonga (12)

16  Yobi ovutwidi vo:   “Ngwidi kala mambu mayingi nze mama. Vana fulu kia kumfiaulwisa, nusakisi e mpasi zame!+   E mvovo miami miankatu,* nga ke mifokoka ko e? Adieyi difididi mu vova mpila yayi?   Mono mpe yadi vova nze yeno. Kele vo lwakala va fulu kiame,*Yadi kunusonga vo vilwa nuna wauYo kunuzungila o ntu.+   Kansi vana fulu kiavanga wo, yadi kunukumika ye mvovo mia nu’ame,Yo kunulembeka muna lufiaulwisu lwa befo yame.+   Avo mpovele, e ndunzi zame ke zikuluka ko,+Kanele vo ngiambwidi vova, aweyi ivevokela muna mpasi zame?   Kansi owau, yandi ungioyese;+Ofwasidi esi nzo ame awonso.*   Vana ntandu, ngeye mpe unkangidi, ankaka bamwene dio,O tanda kwame kutelamene yo sia kimbangi vana ndose ame.   Makasi mandi mankosomwene, undundidi nsita.+ Unkwetesele meno. Mbeni ame untadidi kuna makasi.+ 10  Baziwidi e nua muna kumbina,+Bangwende kuna luvezo vana bundi;Ndong’ayingi bamvuandidi e mfulu.+ 11  Nzambi ungiekwele kwa matoko,Untambikidi vana moko ma yimpumbulu.+ 12  Yavuvama yakala, kansi ungwende;+Umbakidi muna nsingu, unkosomwene;Untelamese nze lekwa kazolele nonga. 13  Akwa mfumba miandi banzietele;+Otobwele nsi ame a mbundu,+ lembi kumfwila e nkenda;Otiamwini mbilubisu ame vana ntoto. 14  Undwakidi, omene kuntobola;Olundumukini oku ngina nze kesa. 15  Ntungidi nsaku yafuka nkand’ame a nitu,+Nzikidi zitu wame* muna ntoto.+ 16  E mpolo ame ifunzukidi ye dilu,+E meso mame mabukamene tombe.* 17  Kansi, kina ye nsoki ko muna moko mame,E sambu kiame kiavelela. 18  E ntoto, kufuki menga mame ko!+ Yambula e kazu kiame kiakondwa e fulu kiavundila! 19  Owau, e mbangi ame una kuna zulu;Ona olenda kuntela kimbangi, kuna ntandu kena. 20  Akundi ame bansevele+Ekolo meso mame mebetomonanga kinsanga* kwa Nzambi.+ 21  Yambula muntu kazenga diambu vana vena muntu yo Nzambi,Wauna uvangamanga kwa muntu yo nkwandi.+ 22  Kadi e mvu misidi mike,Ikwenda kwame muna nzila ina kilendi vutuka diaka ko.+

Mvovo vana yand'a lukaya

Yovo “ya avengomoki.”
Yovo “mia mwaya.”
Yovo “Avo moyo eno uvingidi va fulu kiame.”
Yovo “awana bekutakananga yame.”
Yovo “ngolo zame.” Mvovo wa sina: “mpok’ame.”
Yovo “kini kia lufwa.”