Yobi 14:1-22

  • Yobi okwamanene vana e mvutu (1-22)

    • Zingu kia muntu kiankufi ye kiampasi (1)

    • “Kana nkutu muna nti muna ye vuvu” (7)

    • “Ekwe kele vo wansweka kwame muna Ziami!” (13)

    • “O muntu avo ofwidi, nga olenda zinga diaka?” (14)

    • Nzambi okala ye viangi muna salu kia moko mandi (15)

14  “O muntu wawutwa kwa nkento,E zingu kiandi kiankufi,+ wazala ye ntokani.+   Omena nze luvuma, i bosi olengela;*+Ovioka nze kini* yo vila.+   Kieleka, unsidi meso,Yo kunata* kuna mfundu.+   Nani olenda wuta mveledi muna muntu wafunzuk’e?+ Ke muntu ko!   Avo lumbu yandi yazengwa,Lutangu lwa ngonde zandi kwa ngeye luna. Unsididi mwingilu una kalendi vioka ko.+   Vengomona meso maku muna yandi, kavunda,Yavana kemanisa lumbu kiandi nze muntu wabakama mu salu.+   Kadi kana nkutu muna nti muna ye vuvu. Avo ukeselo, usavuka diaka,E tayi yandi ikwamanana nungunuka.   Avo mwanzi andi ununini muna nsi,E sinza kiandi kifwidi muna ntoto,   Usavuka muna ntundulu a maza;Uvaikisa tayi nze nti wampa. 10  Kansi avo muntu ofwidi, kalendi vanga diaka diambu ko;Avo muntu ofwidi, akweyi kekwendanga?+ 11  Maza memananga muna kalunga,O nkoko ulalanga yo yuma. 12  I una kelavalela o muntu, ke vumbuka ko.+ Yavana zulu divua, ke besikama ko,Ngatu sikameswa kuna tulu.+ 13  Ekwe kele vo wansweka kwame muna Ziami,*+Wansweka kwame yavana makasi maku mevioka,Ekwe kele vo wanzengela e ntangwa, i bosi wansungamena!+ 14  O muntu avo ofwidi, nga olenda zinga diaka?+ Ivingila lumbu yawonso ya ubundu wameYavana kilwaka luvevoko lwame.+ 15  Obokela, mono itambulwila.+ Okala ye viangi* muna salu kia moko maku. 16  Kansi owau otanganga ntambi zame zawonso;Sumu diame kaka ovavanga. 17  E sumu diame diakangwa muna nkutu,Okangidi e mbi ame ye dimbu. 18  Wauna uvotomokena mongo yo vasuka,Ye tadi dikatukidi vana fulu kiandi, 19  O maza meladisanga matadi,E tembwa kiandi kiangolo kikukulwisanga ntoto,I una mpe ofwasidi vuvu kia muntu. 20  Okunsunda yavana kefwa;+Ovilula ndose andi yo kunsindika. 21  O wan’andi bazitisu, kansi yandi kazeye wo ko;Bakulwilu, kansi yandi kabakwidi wo ko.+ 22  Omonanga kaka e mpasi ekolo kakinu moyo;Odilanga kaka ekolo kena moyo.”

Mvovo vana yand'a lukaya

Mvovo wa sina: “yandi,” Nanga Yobi kayikidinge.”
Nanga, “ozengwa.”
Yovo “ninga.”
Mvovo wa sina: “kundata.”
Yovo “Seol,” i sia vo, ziami kia wantu awonso. Tala Nsas’a Mvovo.