Yobi 9:1-35

  • Mvutu za Yobi (1-35)

    • Mpasi muntu kalendi tantana ye Nzambi ko (2-4)

    • ‘Mambu kevanganga Nzambi ke malendi fimpakana ko’ (10)

    • Kavena muntu ko olenda katikisa Nzambi (32)

9  Yobi ovutwidi vo:  “Nzeye wo vo i wau dina. Kansi, o mpasi muntu aweyi kalenda kadila ye ndungidi muna mfundu yo Nzambi?+   Avo muntu ozolele tantana yo Nzambi,*+Ke lenda vana mvutu ko kana mu diambu dimosi muna funda dia yuvu kekunyuvula.   Yandi nkwa ntim’a ngangu, osundidi muna nkuma.+ Nani olenda kuntelamena yo lembi mona e mpasi?+   Okatulanga miongo, kansi wantu ke bezayanga wo ko;Okindulanga mio muna makasi mandi.   Onikunanga ntoto vana fulu kiandi,I dianu malunzi mandi mezakamenanga.+   Okanikinanga ntangwa yalembi temokaYo kakidila ntemo a ntetembwa;+   Oyalumunanga e zulu yandi mosi,+Yo diatila vana mavuku manene ma kalunga.+   Wavanga buka ya ntetembwa za Ase,* Kesile* ye Kima+Ye buka ya ntetembwa za Sude;* 10  Ovanganga lekwa yanene, yalembi fimpakana,+Mambu masivi malembi tangakana.+ 11  Oviokele vana ngina, kansi kimwene ko;Oviokele vana ndambu ame, kansi kimvisidi ko. 12  Avo okutumwini lekwa, nani okunsima? Nani olenda kumvovesa vo, ‘Adieyi ovanganga?’+ 13  Nzambi ke vilula makasi mandi ko;+Kana nkutu asadisi a Rakabi*+ bamfukamene. 14  Kele vo yamvana e mvutu,Mvovo yadi sola muna vovana yandi! 15  Kana nkutu vo yakala ye ndungidi, kiadi kumvana mvutu ko.+ Yadi dodokela kaka mfundisi ame* kamfwila e nkenda. 16  Avo imbokele, nga okumpana e mvutu? Kikwikidi ko vo owá nding’ame, 17  Kadi okunkosomona muna tembwaYo wokesa e mputa zame kondwa kuma.+ 18  Kangiambwidi ko yatevola;*Owokesanga e mpasi zame. 19  Avo diambu ditadidi ngolo, yandi i nkwa ngolo.+ Avo diambu ditadidi unsongi, ovovele vo: ‘Nani olenda kumfundisa?’* 20  Avo ndungidi yadi kala yau, o nu’ame wadi kumpana e ngielele;Kana nkutu nsongele ziku,* okungikila vo i nkwa ngielele.* 21  Kana nkutu ntatididi ziku kiame,* kizeye ko dina dikumbwila;*Mbengene* moyo ame. 22  Kavena kwandi nswaswani ko. I dianu mpovele vo:‘Ofwasanga minkondwa-kuma* kumosi ye yimpumbulu.’ 23  Avo kizalu kivondele kuna kinsalukisa,Seva kadi seva e mpasi za minkondwa kuma. 24  Oyekwele nza vana moko ma kimpumbulu;+Ofukidi meso* m’afundisi. Avo ke yandi ko, ozevo nani? 25  Owau, e lumbu yame ilutidi nswalu ke mu ntikuni ko;+Itinini lembi mona o wete. 26  Iviokele nzaki nga nzaza za mawu,Nze ngo-zulu zikulumukinanga e mbizi. 27  Avo mpovele vo: ‘Ivilakana ngidimu ame,Isoba mpw’ame yo yangalala,’ 28  Ikala kaka ye wonga mu kuma kia mpasi zame zawonso,+Nzeye wo vo kukumbadikila ko se munkondwa-kuma. 29  Ngielele kaka ivewa. Ozevo, ekuma ifuntukina e nkatu?+ 30  Avo ikisukwidi muna maza ma mvul’ampembe,Yo velelesa moko mame muna sabuni,*+ 31  Okuntuba muna wulu dia ntebe,Idianu vo e mvuatu miame nkutu mikumbenga. 32  Kadi yandi ke muntu ko nze mono yamvana e mvutu,Yovo twenda fundana kuna mbazi a nkanu.+ 33  Kavena muntu ko okutuzengela e diambu,*Ona olenda kala se mfundisi eto.* 34  Kele vo kangiambula kungwanda,*Yo yambula kumbwesesa wonga muna mambu mansisi,+ 35  Yadi vovana yandi kondwa kwa wonga,Kadi kikalanga ye wonga wa vova ko.

Mvovo vana yand'a lukaya

Yovo “ozolele kunata kuna mbazi a nkanu.”
Nanga i buka ya ntetembwa muna mpw’a Use Anene.
Nanga i buka ya ntetembwa muna mpw’a Orione.
Nanga i buka ya ntetembwa za Peleyade muna mpw’a Ngombe.
Mvovo wa sina: “masuku ma sude.”
Nanga mbizi ampwena ya kalunga.
Nanga, “mbeni ame kuna mbazi a nkanu.”
Yovo “yafulumuna.”
Mvovo wa sina: “kumbokelesa.”
Yovo “Kana nkutu i munkondwa kuma.”
Mvovo wa sina: “i mbendomoki.”
Yovo “Kana nkutu i munkondwa kuma.”
Yovo “kizeye moyo ame ko.”
Yovo “Mvezele; Bembwele.”
Yovo “akwa ziku.”
Mvovo wa sina: “mpolo.”
Yovo “ntoto ampolo.”
Yovo “okala se nkambakani eto.”
Mvovo wa sina: “Kasia koko muna yeto awole.”