Yobi 36:1-33
36 Eleyu okwamanene:
2 “Kala yo luzindalalu muna kungwa ekolo ivovanga,Kadi yakinu ye mambu ma vova muna wete dia Nzambi.
3 Vova ivova mawonso nzeyeYo samuna vo unsongi wa Mvangi ame.+
4 Kieleka, mambu mame ke maluvunu ko;Ndiona walunga muna zayi+ una ova ndose aku.
5 Dialudi, Nzambi nkwa ngolo,+ ke bembolanga muntu ko;Umbakuzi wandi wayingi.*
6 Ke zingisa mioyo mia yimpumbulu ko,+Kansi ovanganga owu wa nsongi kwa mimbona-mpasi.+
7 Kevengomona meso mandi muna ansongi ko;+Okubavuandisa vana kunda kumosi ye atinu*+ yo kubatundidika yakwele mvu.
8 Kansi, avo bakangwa muna tuvambuYo kangwa mu nsinga miampasi,
9 Ubasongele dina bavangidi,Ye masumu ma lulendo lwau.
10 Oziulanga matu mau kimana bawá longiYo kubavovesa vo bavengomoka muna mbi.+
11 Avo balemvokele yo kunsadila,E lumbu yau ifokokela muna mawete,E mvu miau miakiese mikala.+
12 Kansi, avo ke balemvokele ko, befwila muna nsosolo*+Yo fwa kondwa kwa zayi.
13 Akwa ntima mia umpumbulu* belunda makasi.
Ke belomba lusadisu ko kana nkutu ubakangidi.
14 Befwanga ekolo bakinu aleke,+Befwasanga* zingu kiau ye wan’amakala bena vo akembi a tempelo.+
15 Kansi Nzambi* okûla mimbona mpasi muna mpasi zau;Oziula matu mau vava bebangikwanga kimana banwila.
16 Ukatwidi muna mpasi,+Unete vana fulu kiasanzuka, eki kiakondwa nkakalakani,+Vana meza maku vesiwa madia mambote muna kufiaulwisa.+
17 I bosi, oyangalela mfundis’a yimpumbulu,+Vava mfundu uzengwa yo sikidisa unsongi.
18 Kansi, uyikenga kimana nganzi zalembi kufila muna landa e kunda,*+Kuyambula ko e mbabu yanene yavukumuna.
19 Nga okaza mu lomba lusadisu,Yovo e ngolo zaku zawonso zikuvevola muna mpasi?+
20 Kulakukilwa fuku moyo ko,Vava wantu bevilanga muna fulu yau.
21 Uyikenga walembi vutukila vangu diambiYo sola dio vana fulu kia tambulwila e mpasi.+
22 Tala, Nzambi osundidi muna nkum’andi;Nkia nlongi ofwanane yandi?
23 Nani wasingika* nzil’andi+Ngatu kumvovesa vo: ‘Diambu ovangidi diambi’?+
24 Kuvilakana tundidika mavangu mandi ko,+Mana wantu beyimbidilanga.+
25 Wantu awonso bemonanga mo,Kansi kwandá betadilanga mo.
26 O Nzambi wanene, olutidi mana tulenda zaya;+E mvu miandi ke milendi tangakana ko.*+
27 Otombolanga matonsi ma maza;+E wisisi kikangamanga yo noka se mvula;
28 I bosi matuti metiamunanga mo;+Metiamunanga mo kwa wantu.
29 Nani olenda bakula e ngialumuk’a matuti,Ye miandazi mitalumukanga tuka muna saba* kiandi?+
30 Tala mpila keyalumunanga nsemo*+ miandi muna matutiYo fuka masina ma* kalunga.
31 Muna lekwa yayi i kesadisilanga* nkangu;Yo kubavana ulolo wa madia.+
32 Ofukanga nsemo muna moko mandi,Ofilanga mio konso kuna kazolele.+
33 O mwandazi andi usamuna e ngiz’andi,E twelezi nkutu isamunanga ndiona* okwizanga.
Mvovo vana yand'a lukaya
^ Yovo “Wanene muna nkum’a ntima.”
^ Nanga, “Oyadikanga atinu.”
^ Yovo “nkele (maswanga).”
^ Yovo “avengomoki.”
^ Nanga, “Besukisanga.”
^ Mvovo wa sina: “Yandi.”
^ Yovo “mu sika makonzo kuna lulendo.”
^ Nanga, “wakumba; wamfundisa mu kuma kia.”
^ Yovo “fimpakana ko.”
^ Mvovo wa sina: “sudi.”
^ Mvovo wa sina: “ntemo.”
^ Mvovo wa sina: “mianzi mia.”
^ Nanga, “ketaninanga.”
^ Nanga, “dina dikwizanga.”
