Yobi 15:1-35

  • Longi dia zole dia Elefaze (1-35)

    • Ovovele vo Yobi ke vuminanga Nzambi ko (4)

    • Oyikidi Yobi vo nkwa lulendo (7-9)

    • ‘Nzambi ke bundanga vuvu kwa mbasi zandi ko’ (15)

    • ‘Ndiona omonanga e mpasi i kimpumbulu’ (20-24)

15  Elifaze+ wa musi Temane ovutwidi vo:   “O nkwa ngangu nga ovutula muna mvovo miankatu,*Yo zadisa vumu kiandi ye tembwa kia este?   O lombolola kwankatu ke kwina mfunu ko,O vova kwankatu ke kutwasa nluta ko.   Kadi okulwidi vumi wa Nzambi,Ovezele vumi wa Nzambi.   Kadi o bi waku ukufilanga mu vovela e mpila yayi,*Osolele mvovo mia umpuki.   Nu’aku uyelese, ke mono ko;E befo yaku itelele kimbangi.+   Nga ngeye i muntu antete wawutuk’e? Yovo wavita wutuka ke mu miongo ko e?   Nga mambu mansweki ma Nzambi owidi,Yovo ngeye kaka una ye ngangu?   Adieyi ozeye, dina katuzeye ko?+ Adieyi obakula, dina ke tulenda bakula ko? 10  Akwa mvu ye anunu bena yeto,+Ana balutidi se diaku muna kimbuta. 11  Nga lufiaulwisu lwa Nzambi luké kwa ngeye,Yovo e mvovo miandi miangemba miké kwa ngeye? 12  Ekuma o ntim’aku ukitwidi se nkwa lulendo,*O meso maku nkia kuma mazadidi ye nganzi? 13  Kadi ofungidi Nzambi makasi,*Yo yambula vo mambu mama mavaika mu nu’aku. 14  O muntu nga olenda kala wavelela vana meso ma Nzambi,Yovo ona wawutwa kwa nkento kakala wansongi?+ 15  Ke bundanga vuvu kwa mbasi zandi* ko,Kana nkutu e zulu ke diavelela ko vana meso mandi.+ 16  Adieyi tuvova mu kuma kia muntu una vo wangemi yo yiva,+O muntu ona onuanga vilwa nze maza! 17  Diambu ikuzayisa; ungwa! Ikusamunuina mana mbwene, 18  Mana masamuna akwa ngangu kwa mase mau matuka,+Ke baswekele mo ko. 19  E nsi kwa yau kaka yavewa,Ke vaviokela nzenza ko vana bena. 20  Kimpumbulu omweswanga e mpasi e lumbu yandi yawonso,E mvu miawonso mialundilwa mbangiki. 21  E zú dia wonga dina muna matu mandi;+Muna kolo kia luvuvamu, afwasi bekunuanisa. 22  Kakwikidi ko vo ovevoka muna tombe;+Nsosolo ukumvingilanga. 23  Oyungananga muna vava madia,* oku vo akweyi mena? Ozeye wo vo e lumbu kia tombe kifinamene. 24  Mpasi ye kinkenda kinzakamese;Kinsundidi nze ntinu okubamene muna nuana vita. 25  Olambulwidi Nzambi o koko kwandiYo fidisa Mpungu-ngolo e mpaka;* 26  Kuna lulendo lwawonso, wele nswalu kanuanisa Nzambi,Ye ngubu andi yanene ye yangolo.* 27  E ndose andi izele ye mazi,O luketo lwandi luzele ye mazi; 28  Ozingilanga muna mbanza zifwaswa,Muna nzo ke zizingila muntu ko,Zikituka se mazudika ma matadi. 29  Ke vuama ko, mavua mandi ke mewokela ko,E kimvuama kiandi ke kisayana ko muna nsi. 30  Ke lenda tina tombe ko;O nlaku a tiya uyumisa tayi kiandi kiampa,*Ofwila muna mpemo a nu’a Nzambi.*+ 31  Kafwete vengomoka ko ngatu bunda e vuvu muna lekwa kiakondwa o mfunu,Kadi lekwa kiakondwa o mfunu i nsendo ketambula; 32  Diadi divangama vitila ngiz’a lumbu kiandi,E ntayi zandi ke zisakumuka ko.+ 33  Okala nze nsing’a vinyu usotolanga uva zandi za nkunzu,Ye olive ikunkumukini mvuma. 34  Kadi e nkutakani a yimpumbulu* ya sita,+E tiya tuzinisa saba ya umbabu. 35  Beyimitanga e mpasi yo wuta e mbi,E vumu kiau kiwutanga luvunu.”

Mvovo vana yand'a lukaya

Yovo “Olakukila moyo.”
Yovo “muna zayi wa mwaya.”
Yovo “o bi waku i nlongi a nu’aku.”
Mvovo wa sina: “ntim’aku unatini kwanda.”
Mvovo wa sina: “Ovilwidi mwand’aku muna Nzambi.”
Mvovo wa sina: “avauki andi.”
Mvovo wa sina: “mbolo.”
Yovo “vava sunda Mpungu-ngolo.”
Mvovo wa sina: “ye makodia ma ngubu zandi.”
I sia vo, vuvu kia savuka diaka.
Mvovo wa sina: “nu’andi.”