Yobi 18:1-21

  • Longi dia zole dia Biledade (1-21)

    • Oyikidi nsendo wa asumuki (5-20)

    • Ovovele nze vika sia vo Yobi kazeye Nzambi ko (21)

18  Biledade+ wa musi Nsuka ovutwidi vo:   “Yamu nkia kolo okwamanana vova mambu mama? Songa umbakuzi, i bosi tumokena.   Ekuma utubadikidi nze bulu,+Nze mazowa* vana meso maku?   Kana nkutu omene kuyilweka* mu kuma kia makasi,Nga e nza ibembolwa mu kuma kiaku? Yovo tadi dikatuka vana fulu kiandi?   O ntemo wa kimpumbulu zimwa uzimwa,O nlaku a tiya twandi ke ulema ko.+   O ntemo a saba kiandi ukituka se tombe,O mwinda una vana ntandu andi uzimwa.   E ntambi zandi za nkuma, zikufikwa,Makani mandi mekumbwisa.+   Kadi malu mandi mekunata kuna kwina e konde,Yo bwa muna konde.   O ntambu ukumbakila muna bombo kia kulu;E sokolo dikunkanga.+ 10  Vena ye nsinga unswekamene muna ntoto,Yo ntambu ulekelo muna nzil’andi. 11  E mambu mansisi mekunzakamesa muna ndambu zawonso+Yo kunlanda. 12  E ngolo zandi zikulukidi,E mpasi+ zikuntungianisa.* 13  O nkand’andi a nitu udilu;E kimbevo kilutidi vonza kididi* yikwa yandi. 14  Ovuzilu muna saba kiandi kia luvuvamu+Yo natwa kwa ntinu ansisi.* 15  Anzenza* bekala muna saba kiandi;E lengo dimwanganiswa muna nzo andi.+ 16  E mianzi miandi kuna nsi, miyuma,E tayi yandi kuna ntandu ilengela. 17  Luyindulu lwandi luvila ova nza,Ke muntu ko osungamena e nkumbu andi.* 18  Yingwa keyingwa muna ntemo yo siwa muna tombe,Oyingwa emvimba muna ntoto a mbongo. 19  Ke kala ye wana ko ngatu mbongo muna nkangu andi,Kuna kezingilanga* ke kuvuka muntu ko. 20  Vava kilwaka e lumbu kiandi, o nkangu a Weste ukendalala,O nkangu a Este uzakama. 21  I diau dibwanga muna saba ya kimpumbuluYamuna fulu kia ndiona olembi zaya Nzambi.”

Mvovo vana yand'a lukaya

Yovo “Seol,” i sia vo, ziami kia wantu awonso. Tala Nsas’a Mvovo.
Nanga, “afunzuki.”
Yovo “ozengele moyo aku.”
Yovo “zikuntedingisa.”
Mvovo wa sina: “Mwan’antete a lufwa odidi.”
Yovo “lufwa lwampasi.”
Mvovo wa sina: “Eki kina vo ke kiandi ko.”
Mvovo wa sina: “ke kala ye nkumbu ko muna nzila.”