Yobi 28:1-28

  • Yobi oswaswanese tusalu twa ntoto ye ngangu (1-28)

    • Salu kia tima tusalu (1-11)

    • Ngangu zisundidi pelola o mfunu (18)

    • O vumi wa Yave i ngangu zakieleka (28)

28  “Vena ye fulu kia timina palataYe fulu kia wolo una bekenzanga;+   E sengwa mu ntoto kibongelwanga,Muna matadi i muvangilwanga* e nsongo.+   O muntu osukisanga e tombe;Ovavululanga yakuna nsuk’a tombe kin’e bu,Muna vava matadi mantalu.*   Otimanga mawulu kuna kwandá ye kuna kukalanga wantu,Muna fulu yavilakanua ina kwandá ye muna muviokelanga wantu;Ankaka bakulumukina mo, basangamena yo yengalela.   Vana ntandu a ntoto i vetukanga madia;Kansi muna nsi muvilulwanga nze muna tiya.*   Muna matadi i mwina safire,Muna ntoto i mwina wolo.   Kavena nuni ko odianga e mbizi ozeye nzil’a yoyo. Meso ma kimbi kia ndombe ke mamwene yo ko.   E bulu yansisi ke idiete mo ko,O mwan’a nkosi kaviokele mo ko.   O moko ma muntu mewanda e tadi;Ovuza miongo tuka muna masina. 10  Oziula nzila za maza+ muna matadi;E meso mandi memona lekwa yawonso yantalu. 11  Okanga nto za nkokoYo vaikisa kuna ntemo eki kiswekamene. 12  Vo i ngangu, akweyi zilenda sololwelwa?+ E nto a umbakuzi akweyi ina?+ 13  O muntu kazeye zo ntalu ko,+Ke zilendi sololwa ko mu nsi ya awana bena moyo. 14  O maza masina mavovele vo: ‘Ke zina kwa mono ko!’ O kalunga kuvovele vo: ‘Ke zina yame ko!’+ 15  Ke zilendi sumbilwa ko muna wolo walembi sangwa lekwa;Ngatu tezelwa muna zitu dia palata.+ 16  Ke zilendi sumbilwa muna wolo wa Ofire ko+Ngatu muna onise yantalu yovo safire. 17  Wolo ye pelo ke ilendi fwanana ye ngangu ko;Ngatu sobanesa zo ye kinzu kia wolo wakenzwa.+ 18  Ka dina mfunu ko mu yika tadi dia kristale ye kolado,+Kadi e ngangu zisundidi e nkutu yazala ye pelola. 19  E tadi dia topaze+ dia Kuse ke dilendi fwanana ye ngangu ko;Ke zilendi sumbilwa nkutu ko muna wolo walembi sangwa lekwa. 20  Ozevo, e ngangu akweyi zitukanga? E nto ya umbakuzi akweyi ina?+ 21  Zaswekama muna meso ma vangwa yawonso yamoyo+Yo swekama kwa nuni za zulu. 22  O lufwasu yo lufwa luvovele vo: ‘Nsangu zandi kaka tuwidi omu matu meto.’ 23  Nzambi ozeye nzila ya vuilwa e ngangu;Yandi kaka ozeye kuna zikalanga,+ 24  Kadi otalanga yakuna nsuka za nza,Otalanga yawonso ina kuna nsi a zulu.+ 25  Vava kakubika e ngolo za* tembwa,+Yo zonga maza.+ 26  Vava kasikidisa nsiku kwa mvula+Ye nzila kwa nsemo ye mwandazi,+ 27  Wamona e ngangu yo sasila zo;Wasikidisa zo yo teza zo. 28  Wavova kwa muntu vo: ‘Tala, o vumi wa Yave—i ngangu,+Ovengomoka muna mbi i umbakuzi.’”+

Mvovo vana yand'a lukaya

Mvovo wa sina: “muzezeselwanga.”
Mvovo wa sina: “tadi.”
Nanga salu kia tima matadi mantalu kiyikwanga.
Mvovo wa sina: “zitu dia.”