Yobi 24:1-25

  • Yobi okwamanene vana e mvutu (1-25)

    • ‘Ekuma Nzambi kalembi sikidisila e ntangwa?’ (1)

    • Ovovele vo Nzambi oyambulwilanga e mbi (12)

    • Asumuki bezolanga tombe (13-17)

24  “O Mpungu-ngolo, ekuma kalembi sikidisila e ntangwa?+ Awana banzeye, ekuma balembi mwena lumbu kiandi?*   Vena ye awana besietolanga e sinsu ya mwingilu;+Beyiyanga mameme yo nata mo muna madilu mau.   Bekutumunanga e buluku dia wan’ansona*Betambulanga ngombe a nkento wafilwa yakala se nsimbi mu kuma kia mfuka.+   Beyinga akondami muna nzila;Asukami a nza babaswekamene.+   Akondami bevava madia nga mabuluku+ ma mfuta vana nzanza;Muna makanga bevavilanga madia ma wan’au.   Bekutikila mbongo muna mpatu za wantu akaka*Bewonzolola muna mpatu a vinyu ya kimpumbulu.   Nkonga belekanga muna fuku, kondwa kwa mvuatu;+Ke bena ye nlele mia kuyifukila ko muna diambu dia kiozi.   Bayondalele mu kuma kia mvula za miongo;Babimbakene matadi, kadi ke bena ye tininu ko.   Mwan’ansona* ozavuinu vana ntulu a ngudi andi;+E mvuatu mia asukami mineto se nsimbi a mfuka,+ 10  I kuma bekangalelanga e nkonga, kondwa mvuatu,Wau bena ye nzala, benatanga e ntete mia masa. 11  Muna mbangazi a mwini, befuntukanga muna* yaka ya matadi ya mpatu za miongo;Bediatanga makaminu ma vinyu, kansi bemonanga vuina.+ 12  Awana bafinamene fwa bebumanga muna mbanza;Awana bena ye mputa zampwena* lusadisu bevavanga,+Kansi Nzambi ke badikila dio ko vo diambi.* 13  Vena ye awana batelamene o ntemo;+Ke bazeye nzila zandi ko,Ke belandanga mayendelo mandi ko. 14  O mumponda-muntu osikamanga muna mene-mene;Ovondanga munkondwa nsadisi ye nsukami,+Muna mpimpa oyiyanga. 15  O munta-zumba ovingilanga vo kuma kwafwa,+Ovovele vo: ‘Ke muntu ko okumbona!’+ Ofukidi ndose andi. 16  Muna tombe bebangulanga* e nzo;Muna mwini bakizikidi muna nzo. Ke bazeye ntemo ko.+ 17  Kwa yau e mene-mene kina nze tombe kin’e bu;Batomene zaya wonga wa tombe kin’e bu. 18  Kansi nzaki benatumunua kwa maza.* E kunku kiau kia ntoto kisibwa.+ Ke bevutuka muna mpatu zau za vinyu ko. 19  Wauna e mbangazi iyumisinanga maza ma mvul’ampembe,I una Ziami* kinatinanga asumuki!+ 20  O ngudi* andi okumvilakana; mumvidi ukundia. Ke yindulwa diaka ko.+ O vilwa ubwiswa nga nti. 21  Omwesesa nkento a sita e mpasi,Yo bangika nkento wafwilwa yakala. 22  Nzambi* ofwasa akwa ngolo muna nkum’andi;Kana una vo betelama, e zingu kiau ke kisikila ko. 23  Nzambi* okubayambula vo bakala ye vuvu yo luvuvamu,+Kansi meso mandi mena muna mawonso bevanganga.*+ 24  Batundidikilu mu kolo kiandwelo, i bosi bavididi kwau;+Bakulwilu yo fwa+ nze una ufwilanga wantu awonso;Bazengwa nga ntu mia masa. 25  Nani olenda songa vo i nkwa luvunuYovo katikisa e mvovo miame?”

Mvovo vana yand'a lukaya

Yovo “mana masonekwa.”
I sia vo, “lumbu kiandi kia mfundisa.”
Yovo “minkondwa mase.”
Nanga, “bekutika titi muna mpatu.”
Yovo “Munkondwa se.”
Nanga, “Bekamanga mazi muna.”
Yovo “Mioyo mi’awana balwele.”
Nanga, “Nzambi ke vananga muntu ngielele ko mu kuma kia bi.”
Mvovo wa sina: “betima.”
Mvovo wa sina: “Nkwa nswalu kwandi vana nkanda-nkand’a maza.”
Yovo “Seol,” i sia vo, ziami kia wantu awonso. Tala Nsas’a Mvovo.
Mvovo wa sina: “Yandi.”
Mvovo wa sina: “Yandi.”
Mvovo wa sina: “muna nzila zau.”