Yobi 29:1-25
29 Yobi okwamanene vova,* oku vo:
2 “Kele vo yavutuka una yakala muna ngonde zavioka,E lumbu ina Nzambi kandunga-lunganga,
3 Vava kalemesanga mwinda andi vana ntu ame,Vava yadiatilanga muna ntemo andi muna tombe,+
4 Vava yakala ye* ngolo zame,Vava saba kiame kiasambulwanga mu kuma kia kikundi yakala kiau yo Nzambi,+
5 Mpungu-ngolo vava kakala yame,Vava wan’ame* awonso banzieta,
6 E tambi yame vava yasukulwanga muna manteka,Vava matadi mampongolwelanga nkoko mia mazi.+
7 Vava yayendanga vana vitu dia mbanza+Yo vuanda vana ntanda,*+
8 Matoko bambonanga yo sisa e nzila,*Anunu nkutu bavumbukanga yo telama.+
9 Mfumu zadingalalanga;Basianga koko vana nua.
10 E ndinga za akwa tunda ke zawakananga diaka ko;O tubini twau twalamininanga kuna ntandu a nua miau.
11 Ndiona wangwanga, wampovelanga o wete,Awana bambonanga, bansilanga umbangi wambote.
12 Kadi yasadisanga o nsukami walombanga lusadisu,+Ye mwan’a nsona* ye konso muntu wakondwanga nsadisi.+
13 Ndiona wakalanga mu mpasi za lufwa, wansambulanga,+Yayangidika ntim’a nkento wafwilwa yakala.+
14 Yavuatanga unsongi se mvuatu miame;E ziku kiame nze mvuela* ye mpu.
15 Yakituka se meso kwa mpofoYe malu kwa mvanguki a malu.
16 Yakala se kwa asukami;+Yatoma fimpanga mfundu mi’awana ndembele zaya.+
17 Yawulanga matokolo ma kimpumbulu+Yo kutumuna mbizi muna meno mandi.
18 Yavovanga vo: ‘Mu nzo ame ifwila,*+E lumbu yame wokela iwokela nze senge.
19 E mianzi miame misayana yamuna maza,E lowa* dikala muna ntayi zame e fuku wawonso.
20 Nkembo ame uvangulukanga ntangwa zawonso,E mfumba vana moko mame ukwamanana nonga.’
21 Wantu bangwanga ye sungididi kiawonso,Badingalalanga yo vingila luludiku lwame.+
22 Vava yamananga vova, ke bakala diaka ye diambu diavova ko;E mvovo miame miakotanga* muna matu mau.
23 Bamvingilanga nze una bevingidilanga e mvula;Baziulanga e nua nze yau benua maza ma mvul’a kintombo.+
24 Vava yabasevanga, ke bakwikilanga dio ko;O ntemo a ndose ame wabavuvikanga.*
25 Yabavananga luludiku nze mfumu au,Yakalanga nze ntinu vana kati kwa makesa mandi,+Nze ndiona ofiaulwisanga awana bedilanga.+
Mvovo vana yand'a lukaya
^ Mvovo wa sina: “tá kingana kiandi.”
^ Mvovo wa sina: “Muna lumbu ya.”
^ Yovo “asadisi ame.”
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa sina: “baswamanga.”
^ Yovo “munkondwa se.”
^ Yovo “yunga kiakondwa moko.”
^ Mvovo wa sina: “Muna nzalwa ame ifwila.”
^ Yovo “dime.”
^ Mvovo wa sina: “miasonsanga malembe-malembe.”
^ Nanga, “Ke balombolanga ntemo a ndose ame ko.”
