Yobi 37:1-24

  • O nkum’a nsema usonganga vo Nzambi wanene (1-24)

    • Nzambi olenda ningamesa salu ya muntu (7)

    • ‘Toma fimpa mavangu masivi ma Nzambi’ (14)

    • Wantu ke balendi bakula Nzambi ko (23)

    • Ke vana muntu ko ofwete kuyibadikila vo nkwa ngangu (24)

37  “Muna kuma kiaki, ntim’ame ududilangaYo nikuka vana fulu kiandi.   Nutoma winikina nkum’a nding’andi*Ye mazu ma mwandazi utukidi muna nu’andi.   Otwikanga wo kuna nsi a zulu diawonsoOtwikanga e nsemo+ miandi yakuna nsuka za nza.   I bosi kuwakane ndinga ikunga;Otalumukanga ye nding’a nene,+Ke simanga nsemo ko vava nding’andi iwakananga.   Nzambi otalumwini nding’andi+ mu mpila yasivi;Mambu manene kevanganga mana katulendi bakula ko.+   Kadi ovovese mvul’ampembe vo: ‘Noka vana ntoto,’+Kwa mvula yangolo vo: ‘Noka muna ngolo zawonso.’+   Nzambi oningamesanga salu kia wantu awonso*Kimana awonso bazaya salu kiandi.   Bulu ya mfuta ikotele muna nduka miauIkedi kaka muna maswaminu mau.   Kimbongela kitukanga muna fulu kiandi,+E kiozi muna tembwa kia node.+ 10  Muna fulumwinu kia Nzambi muvangamenanga matadi ma maza,+Maza mawonso mekangamanga nze matadi.+ 11  Elo, ozadisanga matuti ye mantosi ma maza;Oyalumunanga ntemo+ andi muna matuti; 12  Mezietanga konso kuna kakanikini mo;Mevanganga mawonso kakanikini+ muna nza yawonso.* 13  Ovanganga wo muna tumba*+ yovo muna wete dia ntotoYovo muna songa walakazi.+ 14  E Yobi, wá diambu diadi;Dingalala yo toma fimpa mavangu masivi ma Nzambi.+ 15  Nga ozeye una Nzambi keyadilanga matutiYe una kevaikisilanga nsemo muna tuti diandi? 16  Nga ozeye una usangamenanga matuti kuna zulu?+ Omama i mavangu masivi ma ndiona walunga muna zayi.+ 17  Ekuma mvuatu miaku miyandukilangaAvo nza idingalele mu kuma kia tembwa kia sude?+ 18  Nga olenda yalumuna* yandi e zulu+Dina vo diangolo nze pelo kia sengwa? 19  Utuzayisa dina tufwete kumvovesa;Katulendi vana mvutu ko kadi mu tombe twina. 20  Nga kafwete zayiswa vo vova nzolele vova? Yovo muntu kavova diambu difwete zayiswa kwa yandi?+ 21  Wantu ke balendi mona nkutu ntemo ko,*Kanele vo utemanga kuna zulu,Yavana tembwa kivioka yo vungula matuti. 22  Kuna node kutukanga lezi-lezi dia wolo;Onene wa Nzambi+ wambubu. 23  Katulendi bakula Mpungu-ngolo ko;+Wanene muna nkuma,+Kalendi kulula ziku kiandi ko+ ye ulolo wa unsongi wandi.+ 24  Muna kuma kiaki, wantu bafwete kumvumina.+ Kadi ke songanga dienga ko kw’awana bekuyimwenanga vo akwa ngangu.”*+

Mvovo vana yand'a lukaya

I sia vo, Nzambi.
Mvovo wa sina: “osianga dimbu muna moko ma wantu awonso.”
Yovo “muna ntoto uyimanga mbongo.”
Mvovo wa sina: “nkau.”
Yovo “leleka.”
I sia vo, ntemo a ntangwa.
Mvovo wa sina: “akwa ntima mia ngangu.”