Yobi 26:1-14
26 Yobi ovutwidi vo:
2 “Ekwe mpila osadisidi ndiona okondelo nkuma!
Ekwe mpila ovuluzwidi muntu wakondwa ngolo!+
3 Ekwe longi diambote wavana kwa munkondwa ngangu!+
Yo toma sengomona ngangu zaku!*
4 Kwa nani ozolele vovesa mambu mama,Nani uvumunuini wavova mambu mama?*
5 Awana bakondwa nkuma muna lufwa, bezakamanga;Bena muna nsi a kalunga ye yawonso ina mo.
6 E Ziami* nkonga* kina vana ndose a Nzambi,*+E fulu kia lufwasu* ke kiafukwa ko.
7 Olambulanga e zulu dia node muna nkatu,+Omanikanga o ntoto muna nkatu;
8 Okanganga maza muna matuti,+Kimana matuti malembi buka mu kuma kia zitu;
9 Ofukidi kunda kiandi,Oyalumunuini e tuti diandi vana ntandu.+
10 Osidi mwingilu vana ntandu a maza;+Osidi mwingilu vana vena ntemo ye tombe.
11 Malunzi ma zulu mazakamene;Masivikidi lusembo lwandi.
12 Onikunanga kalunga muna nkum’andi,+Muna umbakuzi wandi okosomonanga mbizi yampwena* ya kalunga.+
13 Ovelelesa e zulu muna fulumwinu kiandi;Ovondele niok’a nzaki.
14 Eyayi i mbela-mbel’a nzila zandi kaka;+Finguninina kaka tuwidi mu kuma kiandi!
Ozevo, nani obakula e mwandazi andi angolo?”+
Mvovo vana yand'a lukaya
^ Yovo “ngangu zavimpi.”
^ Mvovo wa sina: “Fulumwinu (yovo mwand’a) kia nani kitukidi omo ngeye.”
^ Yovo “Abadone.”
^ Mvovo wa sina: “yandi.”
^ Yovo “kimpene.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “Rakabi.”
