Yobi 32:1-22
32 Wantu awaya yau tatu, bayambula vana mvutu kwa Yobi, kadi wakimwenanga vo ndungidi kakala yau.*+
2 Kansi Eleyu wa mwan’a Barakele wa musi Buzi+ wa musi kanda dia Rami ofungidi kikilu makasi. Ofungidi Yobi makasi wau kavavidi kuyilungisa ke mu Nzambi ko.+
3 Ofungidi mpe akundi atatu a Yobi makasi, wau vo ke bavene mvutu zasikila ko, kansi batumbidi kaka Nzambi.+
4 Eleyu wavingila muna vana mvutu kwa Yobi, kadi oyau bansunda kimbuta.+
5 Eleyu vava kamwene vo yau atatu ke bavene mvutu zasikila ko, ofungidi makasi.
6 Eleyu wa mwan’a Barakele wa Mbuzi oyantikidi vova, oku vo:
“I toko kwame*Oyeno nu ambuta.+
Muna songa luzitu idiau ndingalele,+Kizolele kunuvovesa ko mana nzeye.
7 Mpovele vo: ‘Yambula e kimbuta kiavova,*Ulolo wa mvu wazayisa e ngangu.’
8 Kansi mwanda una muna wantu,E fulumwinu kia Mpungu-ngolo i kiau kikubavananga umbakuzi.+
9 Ambuta ke yau kaka ko bena ye ngangu,Ke anunu kaka ko bebakulanga diambu diansongi.+
10 I dianu mpovele vo: ‘Nungwa,Yanuzayisa dina nzeye.’
11 Mvingidingi mvovo mieno;Ntomene wunikina e ngindu zeno+Ekolo nuavavidingi mana nuvova.+
12 Ntomene kunusia e sungididi,Kansi ke mosi ko vovo nuina olendele songa vo Yobi mbi kavangidiNgatu vanina mvovo miandi e mvutu.
13 I dianu vo, ke nuvovi ko vo: ‘Tu akwa ngangu;Nzambi okunsemba, ke muntu ko.’
14 Yobi kampovese diambu ko,I dianu vo kikumvutulwila mun’owu wa mvovo mieno ko.
15 Bamwene wonga, ke bena diaka ye mvutu ko;Ke bena diaka ye diambu dia vova ko.
16 Mvingidi, kansi ke bavovele diaka ko;Badingalele, ke bavene diaka mvutu ko.
17 Omono mpe i kuma ivanina e mvutu;Mono mpe ivova mana nzeye,
18 Kadi mambu mayingi ngina mau;O mwanda una mu mono umfididi yavova.
19 Muna kati ngina nze vinyu ikondelo vundu,Nze madîla mampa ma nkand’a bulu se mebuka.+
20 Yambula yavova kimana yavevoka!
Iziula e befo yame yo vana e mvutu.
21 Kisia mpambula ko;+Ngatu vova malengo* kwa konso muntu,
22 Kadi kizeye mvovo mia malengo ko;Avo mpangidi wo, o Mvangi ame okumponda.
Mvovo vana yand'a lukaya
^ Yovo “nkwa unsongi vana meso mandi.”
^ Mvovo wa sina: “I nke muna lumbu.”
^ Mvovo wa sina: “lumbu yavova.”
^ Yovo “yikila nkumbu a tunda.”
