Baefeso 3:1-21

  • Sephiri se se boitshepo se itsisiwe batho ba ditšhaba tse dingwe (1-13)

    • Batho ba ditšhaba tse dingwe ba tla rua boswa mmogo le Keresete (6)

    • Boikaelelo jwa Modimo jo bo nnelang ruri (11)

  • Baefeso ba rapelelwa gore ba nne le kitso (14-21)

3  Ka jalo, nna Paulo, ke legolegwa+ la ga Keresete Jesu ka gonne ke thusa lona batho ba ditšhaba tse dingwe.  Tota lo utlwile gore ke neilwe maikarabelo+ a go lo thusa gore lo solegelwe molemo ke bopelonomi jo bogolo* jwa Modimo.  Modimo o ne a nkitsise sephiri sa gagwe se se boitshepo, fela jaaka ke ne ka lo kwalela sone pelenyana ka bokhutshwane.  Ka jalo, fa lo bala mafoko ano, lo tla lemoga gore ke tlhaloganya sephiri se se boitshepo+ sa ga Keresete.  Sephiri seno ga se a ka sa itsisiwe batho mo dikokomaneng tse di fetileng mme gone jaanong moya o se senoletse baaposetoloi ba gagwe ba a ba tlhopileng le baporofeti.+  Sephiri seno ke gore batho ba ditšhaba tse dingwe ba ba leng seoposengwe le Keresete Jesu, ba tla rua boswa mmogo le ene e bile ba tla nna mmele o le mongwe.+ Ba tla newa dilo tse Modimo a re solofeditseng go re naya tsone ka ntlha ya dikgang tse di molemo.  Ke ne ka nna modiredi wa sephiri seno se se boitshepo ka ntlha ya bopelonomi jo bogolo jwa Modimo. O ne a nnaya mpho eno fa a ne a mpha maatla a gagwe.+  Nna, motho yo o seng botlhokwa mo go botlhe ba ba boitshepo,+ ke ne ka newa bopelonomi jono jo bogolo,+ gore ke tle ke rerele ditšhaba dikgang tse di molemo ka masego a a ka se lekanngweng le sepe a a tswang kwa go Keresete  le gore ke dire gore mongwe le mongwe a bone kafa Modimo yo o bopileng dilo tsotlhe a diragatsang sephiri sa gagwe se se boitshepo ka gone,+ se a neng a se fitlhile lobaka lo loleele. 10  Seno se ne sa direga gore dipuso le balaodi mo mafelong a a kwa legodimong+ ba itsisiwe botlhale jo bogolo jwa Modimo go dirisiwa phuthego.+ 11  Seno se ne sa direga go ya ka boikaelelo jwa gagwe jo bo nnelang ruri jo a neng a ikaeletse go bo diragatsa jo bo ka ga Keresete+ Jesu Morena wa rona, 12  yo ka ene re kgonang go bua re gololesegile e bile re kgonang go atamela Modimo+ re mo tshepa ka ntlha ya tumelo e re nang le yone mo go ene. 13  Ka jalo, ke kopa gore lo se ka lwa kgobega marapo ka ntlha ya mathata a ke kopanang le one fa ke lo thusa, ka gonne mathata a me a dira gore lo itumele.+ 14  Ke khubamela Rara ka ntlha ya seno, 15  ene yo lelapa lengwe le lengwe kwa legodimong le mo lefatsheng le bidiwang ka ene. 16  Ke rapela gore Modimo yo o nang le kgalalelo e kgolo, a dirise maatla a gagwe go nonotsha dipelo le megopolo ya lona+ ka moya wa gagwe, 17  le gore Keresete a tle a nne mo dipelong tsa lona ka ntlha ya tumelo ya lona le lorato lo lo ratanang ka lone.+ E kete lo ka nama medi+ lo bo lo ngangatlela motheo ono wa tumelo,+ 18  gore lona mmogo le botlhe ba ba boitshepo lo kgone go tlhaloganya sentle bophara le boleele le bogodimo le boteng jwa boammaaruri, 19  le gore lo itse lorato lwa ga Keresete+ lo lo fetang kitso e batho ba nang le yone, gore Modimo a tle a lo neye dilo tsotlhe tse di molemo. 20  Modimo o kgona go re direla dilo tsotlhe tse di fetang tse re di kopang+ kgotsa tse re ka akanyang ka tsone a dirisa maatla a gagwe a a dirang mo go rona.+ 21  Ka jalo, o tshwanelwa ke go galalediwa mo dikokomaneng tsotlhe ka bosakhutleng le go ya go ile ka ntlha ya phuthego le ka ntlha ya ga Keresete Jesu. Amen.

Dintlha Tse di Kwa Tlase