Bakorintha wa Ntlha 2:1-16
2 Ka jalo, bakaulengwe, e rile ke tla go lo bolelela sephiri se se boitshepo+ sa Modimo, ga ke a ka ka dirisa mafoko a barutegi kgotsa ka itira botlhale.+
2 Gonne fa ke ne ke na le lona ke ne ka dira tshwetso ya gore ke se ka ka bua ka sepe se sele fa e se ka ga Jesu Keresete le gore o ne a bolaelwa mo koteng.+
3 Mme ke ne ka tla mo go lona ke le bokoa, ke boifa e bile ke roroma thata;
4 mme fa ke ne ke bua le lona e bile ke ruta, ga ke a ka ka dirisa mafoko a a dirisiwang ke batho ba ba botlhale, mme mafoko a ke neng ke a dirisa a ne a bontsha gore ke thusiwa ke maatla a moya o o boitshepo,+
5 gore tumelo ya lona e tle e se ka ya ikaega ka botlhale jwa batho, mme e ikaege ka maatla a Modimo.
6 Jaanong re bua botlhale mo go ba ba godileng sentle mo tumelong,+ mme e seng botlhale jwa batho ba lefatshe leno* kgotsa botlhale jwa babusi ba lefatshe leno, ba ba tlileng go nyelela.+
7 Mme re bua botlhale jwa Modimo jo bo fitlhegileng mo sephiring se se boitshepo.+ Modimo o ile a bo rulaganya go sa le pele, pele ga lefatshe leno le le bosula le nna gone gore re galalediwe.
8 Ga go na ope wa babusi ba lefatshe leno* yo o neng a itse botlhale jono,+ ka gonne fa ba ka bo ba bo itsile ba ka bo ba sa bolaya Morena yo o galalelang.*
9 Mme ke fela jaaka go kwadilwe go twe: “Leitlho ga le ise le bone le tsebe ga e ise e utlwe, e bile ga go motho ope yo o kileng a akanya dilo tse Modimo a di baakanyeditseng ba ba mo ratang.”+
10 Gonne Modimo o re di senoletse+ a dirisa moya wa gagwe,+ gape moya o senola dilo tsotlhe, tota le dilo tse di boteng tsa Modimo.+
11 A go na le motho yo o ka itseng dikakanyo* tsa motho yo mongwe? Le e seng. Motho yoo ke ene fela yo o itseng se se mo pelong ya gagwe. Jalo, ka tsela e e tshwanang, ga go na ope yo o itseng dikakanyo tsa Modimo, fa e se moya wa Modimo.
12 Jaanong ga re a ka ra kaelwa ke tsela e batho ba lefatshe leno ba akanyang ka yone,* mme re ne ra kaelwa ke moya o o tswang kwa Modimong,+ gore re itse dilo tse Modimo a re neileng tsone ka lorato.
13 Gape re bua dilo tseno re sa dirise mafoko a a neng a rutwa ka botlhale jwa batho,+ mme re dirisa mafoko a re a rutilweng ke moya wa Modimo o o boitshepo.+ Ka jalo, re dirisa mafoko a re a amogetseng ka moya o o boitshepo go tlhalosa* dikgang tsa Modimo.
14 Mme motho yo o laolwang ke dikeletso tsa gagwe ga a amogele dilo tsa moya wa Modimo, gonne o di tsaya e le boeleele; mme ga a ka ke a di itse, ka gonne o tshwanetse go di sekaseka a kaelwa ke moya o o boitshepo.
15 Le fa go ntse jalo, motho yo o kaelwang ke moya wa Modimo o sekaseka dilo tsotlhe,+ mme ene ka boene ga a sekasekwe ke motho ope.
16 Gonne “ke mang yo o itseng tsela e Jehofa* a akanyang ka yone, gore a tle a mo rute?”+ Mme rona re akanya jaaka Keresete.+
Dintlha Tse di Kwa Tlase
^ Seger., “ba tsamaiso eno ya dilo.” Bona Ditlhaloso Tsa Mafoko.
^ Seger., “ba tsamaiso eno ya dilo.” Bona Ditlhaloso Tsa Mafoko.
^ Kgotsa “ba sa bapola Morena yo o galalelang mo koteng.”
^ Seger., “moya.”
^ Seger., “ra amogela moya wa lefatshe.”
^ Kgotsa “go kopanya.”
^ Bona Dintlha A5.
