Onlad karga

Onlad saray karga

Nanengneng ed Toledo so history tan kultura na Spain. Nagmaliw iyan World Heritage site nen 1986 tan paboriton pasyaren na saray turista

 LUGAR TAN TOTOO

Ombisita Tayod Spain

Ombisita Tayod Spain

SAY Spain et sakey a bansa ya nandurumay itsura na lugar tan nandurumay klase na totoo ditan. Say maawang a parte na Spain et taneman na trigo, ubasan, tan kiew na olive. Diad bandad south et manga 14 kilometro labat so kaawang na dayat ed baetan na Spain tan say kontinente na Africa.

Dakel so nan-migrate ed sayan lugar na southwest na Europe, kaiba la ray Phoenician, Greek, tan Carthaginian. Nen sinmabi iray Romano nen komatlon century B.C.E., tinawag da iyan balon asakop dan lugar ya Hispania. Insan, nanayam ditan iray Visigoth tan Moor, tan impatawir day kultura da.

Nen 2015, masulok ya 68 milyon so pinmasyar ed Spain. Oonla ra ditan lapud balibalin sinag na agew,  balibali iran dayat, tan saray ni-preserve ya papablien ya art, kultura, tan arkitektura. Dakel met so ompapasyar ditan lapud saray Spanish food. Maslak ya ise-serve ditan et seafood, hamon, nan-sabaw, salad, tan pising ya inluto odino nilaokay olive oil. Kabkabat ed interon mundo iray Spanish omelet, paella, tan tapa.

Say Mariscada et seafood ya kaslakan ya ise-serve

Sayaw ya flamenco

Makaaro iray Spanish. Dakel so mangibabagan Katoliko ira, pero pigpigaray mimimisa. Diad agano ni ran taon, nan-migrate ed Spain iray taga Africa, Asia, tan Latin America. Labalabay na dakel ed sikara ya pantongtongan so tungkol ed relihyon. Maabig so resulta na impitongtong na saray Tasi nen Jehova ed sikara tan amayamay so atulongan ya naaralan no antoy ibabangat na Biblia ed dakel iran topic.

Nen 2015, masulok ya 10,500 ya Tasi so namboluntaryo ed pangipaalagey odino pangapiger ed 70 ya pasen a pantitiponan ya tatawagen a Kingdom Hall. Wala ray baley ya angiter na lote ya pangipaalageyan na arum ed sarayan proyekto. Pian natulongan iray nan-migrate, manguusar na masulok ya 30 lenguahe iray Tasi nen Jehova diad aral da puera ni Spanish. Nen 2016, masulok ya 186,000 so inmatendi ed espisyal a miting na saray Tasi nen Jehova pian nodnonoten so impatey nen Jesu-Kristo.