Onlad karga

Tua Kasi Iray Demonyo?

Tua Kasi Iray Demonyo?

Say ebat na Biblia

On. Saray demonyo et “anghel a nankasalanan.” Espiritu irayan pinalsa ya nanrebelde ed Dios. (2 Pedro 2:4) Say unonan anghel ya ginawa toy sarili ton demonyo et si Satanas ya Diablo, ya tinawag ed Biblia a “say manuley na saray demonyo.”—Mateo 12:24, 26.

Impanrebelde ed Panaon nen Noe

Nabasa ed Biblia so impanrebelde na saray anghel antis na Delap ed panaon nen Noe: “Naimano na saray anak na tuan Dios a maganggana iray bibiin ananak na totoo. Kanian inala ran asawa so amin ya apili ra.” (Genesis 6:2) Saraman ya mauges ya anghel et “tinaynan da so manepeg ya ayaman da” diad tawen, tan ginawa day sarili dan too pian mi-sex ed saray bibii.—Judas 6.

Nen sinmabi so Delap, nilakseb na sarayan rebelden anghel so pisikal a laman da tan pinmawil irad tawen. Balet, agla ra inawat na Dios bilang kaibad pamilya to. Kaibad dusa na sarayan demonyo et agda la nayarian ya gawaen so sarili da ya too.—Efeso 6:11, 12.