Zabbuli 89:1-52
Masukiri.* Zabbuli ya Esani+ Omwezera.
89 Nnaayimbanga emirembe n’emirembe ku ngeri Yakuwa gy’alagamu okwagala okutajjulukuka.
Akamwa kange kanaamanyisanga obwesigwa bwo eri abantu b’emirembe gyonna.
2 Kubanga ŋŋambye nti: “Okwagala okutajjulukuka kujja kuzimbibwa* emirembe gyonna;+Onywezezza obwesigwa bwo mu ggulu.”
3 Wagamba nti: “Nkoze endagaano n’oyo gwe nnalonda;+Ndayiridde Dawudi omuweereza wange nti:+
4 ‘Nja kunyweza ezzadde+ lyo emirembe n’emirembe,Era nja kunyweza entebe yo ey’obwakabaka emirembe gyonna.’”+ (Seera)
5 Eggulu litendereza ebyamagero byo, Ai Yakuwa,Ekibiina ky’abatukuvu kitendereza obwesigwa bwo.
6 Ani mu ggulu ayinza okugeraageranyizibwa ku Yakuwa?+
Ani mu baana ba Katonda+ alinga Yakuwa?
7 Katonda atiibwa mu lukiiko* lw’abatukuvu;+Wa kitiibwa era wa ntiisa eri abo bonna abamwetoolodde.+
8 Ai Yakuwa Katonda ow’eggye,Ani akwenkana amaanyi, Ai Ya?+
Obwesigwa bwo bukwetoolodde.+
9 Ofuga obusungu bw’ennyanja;+Amayengo gaayo bwe gatumbiira ogakkakkanya.+
10 Ofufuggazza Lakabu+ n’aba ng’omuntu attiddwa.+
Osaasaanyizza abalabe bo n’omukono gwo ogw’amaanyi.+
11 Eggulu liryo n’ensi yiyo;+Ettaka ne byonna ebiririko+ ggwe wabikola.
12 Ggwe watonda obukiikakkono n’obukiikaddyo;Taboli+ ne Kerumooni+ zitendereza erinnya lyo n’essanyu.
13 Omukono gwo gwa maanyi;+Engalo zo zirina amaanyi;+Omukono gwo ogwa ddyo gugulumiziddwa.+
14 Obutuukirivu n’obwenkanya gye misingi gy’entebe yo ey’obwakabaka;+Okwagala okutajjulukuka n’obwesigwa biyimirira mu maaso go.+
15 Balina essanyu abo abamanyi okukuba emizira.+
Ai Yakuwa, batambulira mu kitangaala ky’amaaso go.
16 Basanyuka okuzibya obudde olw’erinnya lyo,Era bagulumizibwa mu butuukirivu bwo.
17 Kubanga ggwe kitiibwa ky’amaanyi gaabwe,+Era amaanyi gaffe gagulumizibwa* olw’okusiima kwo.+
18 Yakuwa ye nnannyini ngabo yaffe,Omutukuvu wa Isirayiri ye nnannyini kabaka waffe.+
19 Mu kiseera ekyo, ng’oyitira mu kwolesebwa, wagamba abo abeesigwa gy’oli nti:
“Ow’amaanyi mmuwadde amaanyi;+Ngulumizza oyo eyalondebwa mu bantu.+
20 Nzudde Dawudi omuweereza wange;+Mmufuseeko amafuta gange amatukuvu.+
21 Engalo zange zijja kumuwanirira,+Era omukono gwange gujja kumuwa amaanyi.
22 Tewali mulabe anaamuggyako musolo,Era tewali muntu atali mutuukirivu anaamubonyaabonya.+
23 Nja kubetenta abalabe be mbaggye mu maaso ge,+Era nja kutta abo abatamwagala.+
24 Obwesigwa bwange n’okwagala kwange okutajjulukuka biri naye,+Era amaanyi ge gajja* kugulumizibwa mu linnya lyange.
25 Nja kuteeka omukono gwe* ku nnyanja,N’omukono gwe ogwa ddyo ku migga.+
26 Ajja kunkoowoolanga nti: ‘Ggwe Kitange,Katonda wange, Olwazi olw’obulokozi bwange.’+
27 Nja kumufuula omwana omubereberye,+Asinga bakabaka b’ensi.+
28 Nja kumulaga okwagala kwange okutajjulukuka emirembe n’emirembe,+N’endagaano gye nnakola naye terigwa butaka.+
29 Nja kunyweza ezzadde lye emirembe n’emirembe,Era entebe ye ey’obwakabaka nja kugiwangaaza ng’eggulu.+
30 Abaana be bwe banaalekanga amateeka gangeEra ne batatambula nga bwe mbalagira,
31 Bwe banaamenyanga amateeka gangeEra ne batakwata biragiro byange,
32 Obujeemu bwabwe nja kububonerezanga n’omuggo+Era nja kubonerezanga ensobi zaabwe nga nzikuba emiggo.
33 Naye sirirekayo kumulaga kwagala kwange okutajjulukuka,+Era sirirema kutuukiriza kye nnasuubiza.
34 Sirimenya ndagaano yange,+Wadde okukyusa ekyo emimwa gyange kye gyayogera.+
35 Mu butukuvu bwange ndayidde lumu ne mmala,Dawudi sirimulimba.+
36 Ezzadde lye linaabeerawo emirembe n’emirembe;+Entebe ye ey’obwakabaka enaawangaala ng’enjuba mu maaso gange.+
37 Ejja kunywezebwa emirembe n’emirembe ng’omwezi,Ng’omujulirwa omwesigwa ali ku ggulu.” (Seera)
38 Naye omusudde eri era omwesambye;+Osunguwalidde oyo gwe wafukako amafuta.
39 Olese endagaano gye wakola n’omuweereza wo;Ojolonze engule ye n’ogisuula ku ttaka.
40 Omenye bbugwe we yenna ow’amayinja;Ebigo bye obifudde bifunfugu.
41 Abayitawo bonna bamunyaga;Afuuse kivume eri baliraanwa be.+
42 Abalabe be obawadde obuwanguzi;*+Abamukyawa bonna obaleetedde okusanyuka.
43 Ozzizza emabega ekitala kye,Tomuganyizza kuwangula lutalo.
44 Ekitiibwa kye okikomezza,Era entebe ye ey’obwakabaka ogisudde wansi.
45 Okendeezezza ennaku z’obuvubuka bwe;Omwambazza obuswavu. (Seera)
46 Ai Yakuwa, onootuusa wa okwekweka? Oneekweka mirembe na mirembe?+
Obusungu bwo buneeyongera okubuubuuka ng’omuliro?
47 Jjukira nti obulamu bwange bumpi!+
Abantu bonna wabatondera bwereere?
48 Waliwo omuntu omulamu ataliraba kufa?+
Asobola okwetaasa amaanyi g’amagombe?* (Seera)
49 Ebikolwa byo eby’edda eby’okwagala okutajjulukuka biruwa, Ai Yakuwa,Bye walayirira Dawudi mu bwesigwa bwo?+
50 Jjukira, Ai Yakuwa, ebivumo bye bavuma abaweereza bo;Jjukira engeri gye ngumira* ebivumo by’amawanga gonna;
51 Engeri abalabe bo gye boogedde obubi ku oyo gwe wafukako amafuta, Ai Yakuwa;Engeri gye boogedde obubi ku ebyo byonna by’akoze.
52 Yakuwa atenderezebwe emirembe n’emirembe. Amiina era Amiina.+
