Zabbuli 39:1-13
Eri akubiriza eby’okuyimba; mu ngeri ya Yedusuni.*+ Zabbuli ya Dawudi.
39 Nnagamba nti: “Nja kwegenderezangaNneme kwonoona na lulimi lwange.+
Nja kusibanga emimwa gyange+Ng’omubi ali we ndi.”
2 Nnasirika ne soogera;+Nnabunira n’ekirungi ne sikyogerako,Naye obulumi bwange bwali bwa maanyi nnyo.*
3 Omutima gwange gwayaka mu nda yange.
Bwe nnali ndowoolereza,* omuliro gweyongera okwaka.
Awo olulimi lwange ne lwogera nti:
4 “Ai Yakuwa, nnyamba mmanye enkomerero yange bw’eriba,N’omuwendo gw’ennaku zange bwe guli,+Ndyoke mmanye obulamu bwange bwe buli obumpi.*
5 Ompadde obulamu bumpi;*+Ekiseera kye nnaawangaala tekirina bwe kiri mu maaso go.+
Mazima ddala buli muntu mukka bukka ne bw’aba wa maanyi atya.+ (Seera)
6 Obulamu bw’omuntu bulinga kisiikirize.
Ateganira bwereere.*
Atuuma obugagga nga tamanyi ani alibweyagaliramu.+
7 Ai Yakuwa, kati nsuubire ki?
Ggwe wekka ggwe ssuubi lyange.
8 Ndokola okuva mu kwonoona kwange kwonna.+
Tokkiriza musirusiru kunfuula kya kusekererwa.
9 Nnasirika;Saayasamya kamwa kange+Kubanga kino ggwe wakikola.+
10 Nzigyaako ekibonyoobonyo ky’ontaddeko.
Nnyenjebuse olw’omukono gwo okunkuba.
11 Omuntu omugolola ng’omubonereza olw’ensobi ye;+Ng’ekiwuka bwe kisaanyaawo ebintu, naawe bw’osaanyaawo ebintu by’atwala ng’eby’omuwendo.
Mazima ddala buli muntu mukka bukka.+ (Seera)
12 Wulira okusaba kwange Ai Yakuwa,Wuliriza okuwanjaga kwange.+
Tobuusa maaso maziga ge nkaaba.
Kubanga ndi mugwira gy’oli,+Omutambuze ayita obuyisi,* nga bajjajjange bonna bwe baali.+
13 Lekera awo okuntunuulira n’obusungu, nsobole okusanyukaNga sinnafa ne mba nga sikyaliwo.”
