Zabbuli 5:1-12
Eri akubiriza eby’okuyimba ebya Nekira.* Zabbuli ya Dawudi.
5 Wulira ebigambo byange, Ai Yakuwa;+Ssaayo omwoyo eri okusinda kwange.
2 Wulira okuwanjaga kwange,Ai Kabaka wange era Katonda wange, kubanga ggwe gwe nsaba.
3 Ai Yakuwa, ku makya ojja kuwulira eddoboozi lyange;+Ku makya nja kukutegeeza ebinneeraliikiriza+ era nnindirire.
4 Kubanga oli Katonda atasanyukira bintu bibi;+Tewali mubi n’omu ayinza kusigala w’oli.+
5 Tewali muntu wa malala ayinza kuyimirira mu maaso go.
Okyawa abo bonna abakola ebintu ebibi;+
6 Ojja kuzikiriza abo aboogera eby’obulimba.+
Yakuwa akyawa abantu abakola ebikolwa eby’obukambwe era abakuusa.*+
7 Naye nze nja kujja mu nnyumba yo+ olw’okwagala kwo okungi okutajjulukuka;+Nja kuvunnama nga ntunudde eri yeekaalu yo entukuvu* olw’okukutya.+
8 Nkulembera mu makubo go ag’obutuukirivu, Ai Yakuwa, olw’abalabe abanneetoolodde;Njerulira ekkubo lyo.+
9 Tewali kye boogera kiyinza kwesigika;Munda bajjudde ttima jjereere;Emimiro gyabwe ntaana ezaasamye;Olulimi lwabwe lwogera ebigambo ebiwaanawaana.+
10 Naye Katonda ajja kubasalira omusango;Enkwe zaabwe zijja kubaviirako okugwa.+
Ka bagobebwe olw’ebibi byabwe ebingi,Kubanga bakujeemedde.
11 Naye abo bonna abaddukira gy’oli bajja kusanyuka;+Bajja kwogereranga waggulu n’essanyu.
Ojja kubakuuma,Era abo abaagala erinnya lyo bajja kusanyuka.
12 Abatuukirivu bonna ojja kubawa omukisa, Ai Yakuwa;Ojja kubakwatirwa ekisa, era ojja kubakuuma ng’olinga akozesa engabo ennene.+
