Zabbuli 79:1-13
Zabbuli ya Asafu.+
79 Ai Katonda, amawanga galumbye obusika bwo;+Boonoonye yeekaalu yo entukuvu;+Bafudde Yerusaalemi entuumu y’ebifunfungu.+
2 Emirambo gy’abaweereza bo bagiwadde ebinyonyi bigirye.
Emibiri gy’abantu bo abeesigwa bagiwadde ensolo enkambwe ez’omu nsi.+
3 Bayiye omusaayi gwabwe buli wamu mu Yerusaalemi ng’abayiwa amazzi,Era tewali n’omu asigaddewo agenda okubaziika.+
4 Tufuuse kivume eri baliraanwa baffe;+Abo abatwetoolodde batusekerera era batuduulira.
5 Ai Yakuwa, onoomala bbanga ki ng’oli musunguwavu? Mirembe gyonna?+
Obusungu bwo bunaakoma ddi okubuubuuka ng’omuliro?+
6 Fuka obusungu bwo ku mawanga agatakumanyi,Ne ku bwakabaka obutakoowoola linnya lyo.+
7 Kubanga balidde Yakobo,Era ensi ye bagifudde matongo.+
8 Totuvunaana nsobi za bajjajjaffe.+
Tolwawo kutusaasira,+Kubanga tufeebezeddwa nnyo.
9 Ai Katonda ow’obulokozi bwaffe tuyambe,+Olw’erinnya lyo ery’ekitiibwa;Tununule era tusonyiwe ebibi* byaffe olw’erinnya lyo.+
10 Lwaki amawanga gandibuuzizza nti: “Katonda waabwe ali ludda wa?”+
Nga tukirabako n’amaaso gaffe, amawanga ka gakitegeereNti wabaddewo okuwoolera eggwanga olw’omusaayi gw’abaweereza bo ogwayiibwa.+
11 Wulira okusinda kw’omusibe.+
Kozesa amaanyi go amangi* owonye* abo abasaliddwa ogw’okufa.*+
12 Baliraanwa baffe basasule emirundi musanvu,+Olw’ebivumo bye bakuvumye, Ai Yakuwa.+
13 Olwo ffe abantu bo era endiga z’omu ddundiro lyo,+Tunaakwebazanga emirembe gyonna;Era tunaalangiriranga ettendo lyo emirembe n’emirembe.+
