Omayeletumbulo 9:1-18
9 Ounongo washili owe litungila eumbo lao;Owe lidikila eengudi heyali.
2 Owa longekida filufilu ombelela yao;*Owa lumbakanifa omaviinyu ao;Owa longekida yo oshitaafula shao.
3 Owa tuma ovapiya vao ovakainhuVa ka ingide ve li koikulundudu yoshilando+ tava ti:
4 “Keshe oo ehe na owino, ne uye mo.”
Owa lombwela oo ehe na eendunge* tau ti:
5 “Ila, lya omungome wange,Nokunwa momaviinyu oo nda lumbakanifa.
6 Efa po okukala uhe na owino, opo u kale nomwenyo;+Enda mondjila yeshiivo.”+
7 Omunhu oo ta pukulula omusheki ote likongele okufifwa ohoni,+Naao ta pukulula omukolokoshi ota ka ehamekwa.
8 Ino pukulula omusheki, osheshi ota ka kala e ku tonde.+
Pukulula omunaendunge, nota ka kala e ku hole.+
9 Yandja omalombwelo komunaendunge, opo nee ota ka kala omunaendunge.+
Honga omuyuki, opo nee ota ka weda ko keshiivo laye.
10 Okutila Jehova oko efina lounongo,+Nokushiiva Omuyapuki elela+ oko eudeko.
11 Ngeenge owa shikula nge, ohandi ka hapupalifa omafiku oye,+Noto ka wedelwa ko eedula kokukalamwenyo kwoye.
12 Ngeenge owa kala omunaendunge, oto kala omunaendunge omolwouwa woye mwene,Ashike ngeenge ou li omusheki, oove auke to ka hangwa koilanduliko.
13 Omukainhu elai oha popi mokule.+
Ke na eendunge noke na eshi e shii nandenande.
14 Oha kala omutumba poshivelo sheumbo layeKoshipundi shi li keenhele doikulundudu yomoshilando,+
15 Ta ifana ovo tava piti po,Ovo itava yandje elitulemo kuye, ta ti:
16 “Keshe oo ehe na owino, ne uye mo.”
Okwa lombwela ovo vehe na eendunge*+ ta ti:
17 “Omeva a vakwa omawa,Noikulya tai liwa meholeko otai hafifa.”+
18 Ashike ke shi shii kutya ovo va fya omo ve li omo,Kutya ovaenda vaye ove li moule wOmbila.*+
Omashangelo opedu
^ Eln., “Okwa dipaa oinamwenyo yaye.”
^ Eln., “a pumbwa omutima.”
^ Eln., “va pumbwa omutima.”
^ Ile “wo-Sheol,” sha hala okutya, koufi. Tala Omafatululo oitya.
