Omayeletumbulo 31:1-31
31 Eendjovo dohamba Lemuel, etumwalaka la kwata moiti olo a pewa kuina, opo e mu honge:+
2 Omumwange, nandi ku lombwele shike,Omumwange, ou wa dja moshidalelo shange,Omumwange, ou nda ninga eano omolwoye pokudalwa kwoye?+
3 Ino efa u lolokifwe kovakainhu,+Noino shikula eendjila, odo hadi nyono po eehamba.+
4 Itashi wapalele eehamba, Lemuel,Inashi yuka keehamba okunwa omaviinyu,Ile kovapangeli okutya, “Oshikunwa shange oshi li peni?”+
5 Opo diha nwe, ndele tadi dimbwa omhangoNokupengifa ouyuki wovadinwa.
6 Yandja oikolwifa kwaavo tava kana po,+Nomaviinyu kwaavo va wililwa po neenghono.+
7 Va efa va nwe, opo va dimbwe oluhepo lavo;Ino efa va dimbuluke vali omaupyakadi avo.
8 Popila ovo itava dulu okulipopila;Popila oufemba waaveshe ovo tava xulu po.+
9 Popya nokutokola pauyuki;Popila oufemba wovadinwa nowovakwanaluhepo.+
א [Alef]
10 Olyelye ta dulu okumona omukulukadi, oo e na omaukwatya mawa?*+
Ongushu yaye oi dule kokule neenghono yomamanya eekorali.*
ב [Bet]
11 Omushamane waye okwe mu lineekela momutima waye,Noina pumbwa sha shongushu.
ג [Gimel]
12 Omukulukadi waye ohe mu longele ouwaOnghalamwenyo yaye aishe, ndele hawii.
ד [Dalet]
13 Oha kongo oiyata ya longwa molududi leedi noyoliina;Oha hafele okulonga nomake aye.+
ה [He]
14 Oku li ngaashi eeskepa dovashingifi;+Oha ka tala oikulya yaye kokule.
ו [Waw]
15 Oha penduka yo, ofimbo eluwa inali tenda,Ta kongele oukwaneumbo waye oikulyaNoha yandje oikulya* kovapiya vaye ovakainhu.+
ז [Zayin]
16 Oha konakona noukeka epya noku li landa po;Oha twike oshikunino shomandjebele noiniwe yaye.*
ח [Het]
17 Ohe lilongekidile okulonga noudiinini,*+Noha pameke omaoko aye.
ט [Tet]
18 Oha mono kutya oilonga yaye otai eta ouwa;Olamba yaye ihai dimi oufiku.
י [Yod]
19 Omake aye ohaa kufa oshiti shi na ongodi yokutunga oiyata,Nomake aye ohaa kwata okati kokutungifa.+
כ [Kaf]
20 Oha kamutululile eke laye ovadinwa,Noha kwafele eehepele nomake aye.+
ל [Lamed]
21 Iha kala te lipula noukwaneumbo omolwolumi,*Osheshi oukwaneumbo waye aushe ohau kala wa djala oikutu oyo tai va amene koutalala.*
מ [Mem]
22 Oha ningi omalapi okombete yaye.
Oha djala oikutu yoliina noyolududi leedi lipeepela.
נ [Nun]
23 Omushamane waye oku shiivike nawa poivelo yoshilando,+Opo ha kala omutumba pamwe novakulunhu voshitukulwa.
ס [Samek]
24 Oha hondjo oikutu* yoliina noku i landifa.Noha yandje eemwiya* kovashingifi.
ע [Ayin]
25 Oku na ouladi nokwa fimanekwa,Nokwa taalela onakwiiwa e na omukumo.
פ [Pe]
26 Okanya kaye ohaka popi eendjovo dounongo;+Omhango yonghenda* oi li kelaka laye.
צ [Tsade]
27 Oha pashukile oilonga yeumbo laye,Noke na ondede nandenande.+
ק [Kof]
28 Ovana vaye ohava fikama noku mu pandula;Omushamane waye oha fikama noku mu tanga.
ר [Res]
29 Ope na ovakainhu vahapu ve na omaukwatya mawa,*Ndele ove ou va dule aveshe.
ש [Shin]
30 Eholokepo liwa lokombada otali dulu okupukifa, nouwa womoshipala otau xulu po,*+Ndele omukainhu oo ha tila Jehova ota ka tangwa.+
ת [Taw]
31 Mu pa ondjabi omolwoilonga yaye,*+Nokweefa oilonga yaye i mu tange poivelo yoshilando.+
Omashangelo opedu
^ Ile “a denga mbada.”
^ Tala Omafatululo oitya.
^ Ile tashi dulika, “oilonga.”
^ Eln., “okudja moilikolomwa yomake aye.”
^ Eln., “Oha futike oikutu yaye momwiya e lipameke.”
^ Ile “omolwo-snow.”
^ Eln., “oikutu ivali.”
^ Ile “oumbulukweva vokoshi.”
^ Ile “omakwamo.”
^ Ile “Ehongo lopahole; Omhango yohole i na oudiinini.”
^ Ile “a denga mbada.”
^ Ile “owongaho.”
^ Eln., “Mu pa moiimati yomake aye.”
