Omayeletumbulo 25:1-28
25 Aa nao omayeletumbulo aSalomo,+ oo a shangwa* kovapiya vaHiskia,+ ohamba yaJuda:
2 Kalunga ota fimanekwa, eshi ha kaleke oshinima oshiholekwa+Nohamba otai fimanekwa, eshi hai konakona nawa oshinima.
3 Ngaashi eulu li li pombada elela, nedu la ya moule,Omitima deehamba nado odinyenga okukonakona.
4 Kufa ko omange koshisilveri,Opo nee otashi ka yela filufilu.+
5 Kufa omukolokoshi moipafi yohamba,Opo nee olukalwapangelo layo otali ka pamekwa omolwouyuki.+
6 Ino lifimanekifa koshipala shohamba,+Noino litula ponhele yovanenenhu,+
7 Osheshi oshixwepo ngeenge tai ti kwoove, “Ila oku,”
Ponhele yokufifwa ohoni moipafi yovanamadina.+
8 Ino endelela okuya komhangu,Osheshi oto ka ninga po shike, ngeenge mukweni okwe ke ku fifa ohoni?+
9 Kandulei po oupyakadi namukweni,+Ashike ino holola oshiholekwa shaye,*+
10 Opo oo te ku pwilikine ehe ku fife ohoni,Nehokololo lii,* olo wa tandaveleka, liha dimbulukiwe.
11 Eendjovo da popiwa pefimbo la wapala+Oda fa omaapela oshingoli e li moikwatelwa yoshisilveri.
12 Ngaashi outenda voshingoli nosho yo oinima yokufeweka yoshingoli elela,Omupukululi omunaendunge naye osho e li kwaao te mu pwilikine.+
13 Ngaashi outalala wolumi* pefimbo leteyo,Omutumwa omudiinini naye osho e li kwaao e mu tuma,Molwaashi oha hafifa omwene waye.*+
14 Ngaashi oilemo nomhepo oyo ihe na odula,Omunhu oo he litangele oshali oyo ina pewa* nandenande naye osho e li.+
15 Ngeenge ou na elididimiko, oto dulu okutomha oo e na eenghonopangelo,Nelaka litalala* otali dulu okuteya ekipa.+
16 Ngeenge owa mono omaadi eenyiki, lya ashike oo wa pumbwa,Osheshi ngeenge owa li mahapu, otashi dulika u a kunge ko.+
17 Ino kala ho i unene keumbo lamukweni,Opo ehe ku loloke, ndele te ku tondo.
18 Ngaashi odibo yomoita neongamukonda nosho yo oshikuti sha honga,Omunhu ou ta yandje oundombwedi woipupulu kombinga yamukwao naye osho e li.+
19 Ngaashi eyoo la teka, ile omhadi ya lemana,Osha fa okulineekela omunhu ehe fi okulineekelwa* pefimbo loudjuu.
20 Ou ta imbile omutima wa nyika oluhodi omaimbilo+Okwa fa omunhu te lidula oshikutu pefimbo loutalala,Nokwa fa oasheina* ya tilwa komongwa.
21 Ngeenge omutondi woye* okwa fya ondjala, mu pa omungome a lye;Ngeenge okwa fya enota, mu pa omeva a nwe,+
22 Osheshi oto mu ongelele omakala a xwama komutwe waye,*+Na Jehova ote ke ku pa ondjabi.
23 Omhepo yokolundume otai eta odula yepoola,Nolwaambo otali handukifa vamwe.+
24 Oshixwepo okukala kombada yeumbo,Shi dulife okukala meumbo limwe nomukulukadi oo e hole okutanguna.*+
25 Ngaashi omeva matalala komwenyo* wa notelwa,Osho yo onghundana iwa ya dja koshilongo shokokule.+
26 Ngaashi ofifiya i na onhata nosho yo ondungu ya mbonyauka,Omuyuki oo he liyandje* komukolokoshi naye osho e li.
27 Kashiwa okulya omaadi eenyiki mahapu,+Nokashiwa okulikongela efimano.+
28 Ngaashi oshilando sha teka po, shihe na ekuma,Omunhu oo iha pangele ehandu laye* naye osho e li.+
Omashangelo opedu
^ Ile “tapwa nokutulwa kumwe.”
^ Ile “oiholekwa yavamwe.”
^ Ile “Nomutotolombo.”
^ Ile “wo-snow.”
^ Ile “omwenyo womwene waye.”
^ Eln., “oshali yoipupulu.”
^ Ile “lombili.”
^ Ile tashi dulika, “omunamakoto.”
^ Ile “o-vinegar.”
^ Eln., “oo e ku tonde.”
^ Sha hala okutya, okupupaleka omunhu.
^ Ile “okungongota.”
^ Tala Omafatululo oitya.
^ Eln., “ha tengauka.”
^ Ile “oo iha pangele omhepo yaye.”
