Omayeletumbulo 2:1-22
2 Omumwange, ngeno ou pwilikine komalombwelo angeNou tuvikile oipango yange,+
2 Mokupakalekela okutwi kwoye kounongo+Nomokulemena omutima woye keendunge;+
3 Shikwao vali, ngeno ou indile, opo u mone eshiivo+Nou indile, opo u mone eendunge dokuyoolola;+
4 Ngeenge owa kala toi kongo ngaashi oshisilveri,+Nowa twikile oku i konga ngaashi omamona a holekwa;+
5 Opo nee oto ka uda ko kutya okutila Jehova otashi ti shike,+Noto ka mona eshiivo lokushiiva Kalunga.+
6 Molwaashi Jehova oye mwene ha yandje ounongo,+Mokanya kaye ohamu di eshiivo neendunge dokuyoolola.
7 Oha tuvikilile ounongo ovayuki;Oku li oshikelelifo shaavo hava ende moudiinini.+
8 Oha pashukile omalila ovayuki,Noha amene ovo ovadiinini kuye meendjila davo.+
9 Opo nee oto ka uda ko osho shi li pauyuki, shi li mondjila naasho sha yuka,Ondjila yoinima aishe iwa.+
10 Ngeenge ounongo owa i momutima woye,+Neshiivo tali hafifa omwenyo* woye,+
11 Okudiladila pandunge otaku ke ku kwafela,+Neendunge dokuyoolola otadi ke ku amena,
12 Oinima oyo otai ke ku amena kondjila ii,Komulumenhu oo ha pengifa oinima,+
13 Kwaaveshe ovo tava efa po eendjila douyukiVa ende meendjila domilaulu,+
14 Kwaavo hava hafele okulonga owii,Ovo hava mono ehafo mokulonga oukolokoshi,
15 Ovo hava ende meendjila domahekaNomalila avo aeshe kae shii okulineekelwa.
16 Otai ke ku amena komukainhu omuholi woipala,*Keendjovo domaheka domukainhu oshondolo,*+
17 Oo a fiya po kaume kaye kopofingo* komounyasha waye+Nokwa dimbwa ehangano olo a ninga naKalunga kaye;
18 Osheshi eumbo laye otali ningine mefyo,Neendjila* daye otadi twala mefyo.+
19 Aveshe ovo ve na ekwatafano* naye itava ka aluka,Itava ka mona vali ondjila oyo tai twala komwenyo.+
20 Onghee landula ondjila yovanhu ovo hava longo ouwaNokukala momalila ovayuki,+
21 Osheshi ovayuki ovo ashike tava ka kala kombada yedu,Naavo hava longo osho sha yuka* ovo ashike tava ka kala po.+
22 Ovakolokoshi otava ka kombololwa ko kombada yedu,+Novakengeleledi otava ka hanaunwa po.+
Omashangelo opedu
^ Tala Omafatululo oitya.
^ Eln., “omunailongo.” Sha hala okutya, oo iha kala metwokumwe nomifikamhango daKalunga dopaenghedi.
^ Eln., “omunailongo.” Sha hala okutya, oo iha kala metwokumwe nomifikamhango daKalunga dopaenghedi.
^ Ile “omushamane.”
^ Eln., “Neenghatu.”
^ Eln., “tava i.”
^ Ile “hava kala ovadiinini.”
