Omayeletumbulo 24:1-34
24 Ino twila ondubo ovakolokoshi,Noino kala wa halelela okweendafana navo,
2 Osheshi ohava diladila okulonga owii momitima davo,Nomilungu davo ohadi popi oinima ii.
3 Eumbo* ohali dikwa nounongo,Nohali pamekwa keendunge dokuyoolola.
4 Eenduda dalo ohadi yadifwa neshiivoNosho yo nomamona aeshe e na ondilo nomawa.
5 Omunaendunge oku na eenghono,Nomunhu oo e na eshiivo oha hapupalifa eenghono daye.
6 Owa pumbwa ewiliko lopandunge, ngeenge to i koita,Naapo pe na ovapukululi* vahapu, ope na efindano.*
7 Elai itali mono ounongo washili;Kali na osho tali popi poshivelo shoshilando.
8 Keshe oo e na eemhangela diiOta ka ifanwa omukengeleledi kamana.
9 Eemhangela delai otadi twala mokulonga owii,Novanhu ove tonde omusheki.
10 Ngeenge owa teka omukumo mefiku loudjuu,*Eenghono doye otadi ka ninipala.
11 Xupifa ovo tava twalwa mefyo,Nokwaamena ovo va taalela oshiponga shoku ka dipawa.
12 Ngeenge owa ti, “Katwa li tu shi shii kombinga yaasho,”
Mbela ou ha konakona omitima* ine shi didilika?
Ou ha kala te ku tale* oku shi shiiNota ka futa keshe umwe she likolelela koilonga yaye.
13 Omumwange, lya omaadi eenyiki, molwaashi omawa;Omaadi eenyiki a dja meshila omanyenye, ngeenge owe a makele.
14 Sha faafana, shiiva kutya ounongo ouwa kwoove.*
Ngeenge owe u mono, oto ka kala nonakwiiwa iwaNoito ka kanifa eteelelo.
15 Ino nangela popepi neumbo lomuyuki u na omalinyengotomheno mai;Ino hanauna po onhele yaye yetulumuko.
16 Osheshi omuyuki ota dulu okupunduka lwoikando iheyali, ndele ota fikama po vali,Ashike omukolokoshi ota ka pundukifwa koupyakadi.
17 Ino kala wa hafa, ngeenge omutondi woye e lidenga po,Noino kala wa nyakukwa momutima woye, ngeenge a punduka;
18 Osheshi Jehova ote shi mono, ndele tashi mu udifa nai,Noite ke mu* handukila vali.
19 Ino kala wa handuka* omolwovalongi vowii;Ino kala wa twila ondubo ovakolokoshi,
20 Osheshi keshe oo ha longo owii ke na onakwiiwa;Olamba yomukolokoshi otai ka dimwa.
21 Omumwange, kala ho tila Jehova nosho yo ohamba.
Ino endafana novanashibofa,*
22 Osheshi oshiponga shavo otashi va hange ombadilila.
Olyelye e shi shii nghee aveshe* tave ke va handukila?
23 Eendjovo edi nado odovanaendunge:
Kashiwa okukala u na okatongo, ngeenge to tokola.
24 Keshe oo ta ti komukolokoshi, “Ove omuyuki,”
Ota ka fingwa kovanhu nota ka tokolwa koiwana.
25 Ndele otashi ka endela nawa ovo tave mu pukulula;Otava ka nangekwa noupuna noinima iwa.
26 Ovanhu otava ka xupita omilungu daao ha nyamukula paushili.*
27 Unganeka oilonga yoye yopondje, nokulongekida oinima aishe mepya;Opo nee to tungu eumbo* loye.
28 Ino hokololifa mukweni uhe na oumbangi washa.
Ino longifa omilungu doye u pukife vamwe.
29 Ino tya: “Ohandi ke mu ningila ngaashi a ningila nge;Ohandi ke mu shunifila osho a ningila nge.”*
30 Onda enda pepya lomukwandede,Poshikunino shomandjebele shaao ehe na eendunge.
31 Onda mona kutya oya li ya mena oimbodi ihapu;Ya li i yadi omakiya,Nekuma layo ola teka po.
32 Onde shi konakona nonde shi didilika momutima;Onde shi tala nonde lihonga ko oshilihongomwa:*
33 Okukofa po kanini, okukumuka kanini,Okulixukata u tulumukwe,
34 Noluhepo loye otali ke uya, ngaashi omunyeki.Naasho wa hala, ongaashi omunhu a homata.
Eshangelo lopedu
^ Ile “Oukwaneumbo.”
^ Ile “ovayandjimayele.”
^ Ile “ovanhu otava pondola; exupifo.”
^ Ile “pefimbo loupyakadi.”
^ Ile “omalinyengotomheno.”
^ Ile “ha tale omwenyo woye.”
^ Ile “ounyenye komwenyo woye.”
^ Sha hala okutya, omutondi.
^ Ile “fula onya.”
^ Ile “naavo va hala okweetifa omalunduluko.”
^ Sha hala okutya, Jehova nohamba.
^ Ile tashi dulika, “okunyamukula sha yukilila osha fa okuxupita umwe.”
^ Ile “oukwaneumbo.”
^ Ile “Ohandi mu talifa nawa.”
^ Eln., “nosha pa nge outekuduliko.”
