Omayeletumbulo 30:1-33
30 Etumwalaka la kwata moiti, olo li li meendjovo daAgur, omonamati waJake, odo a lombwela Itiel naUkal.
2 Ohandi lipwililike unene ndi dule keshe umwe,+Nokandi na eudeko olo omunhu e na okukala e na.
3 Inandi lihonga ounongo,Nokandi na eshiivo lokushiiva Omuyapuki elela.
4 Olyelye a londa keulu nokulondoloka ko?+
Olyelye a ongela omhepo momake aye?
Olyelye a humbatela omeva moshikutu shaye?+
Olyelye a dika po* ominghulo adishe dedu?+
Edina laye olyelye nosho yo edina lomona waye, ngeenge ou li shii?
5 Elombwelo keshe laKalunga ola yela.+
Oye oshikelelifo kwaavo tava kongo eameno kuye.+
6 Ino weda ko sha keendjovo daye,+Shaashi ote ke ku handukila,Noto ka talika ko omunaipupulu.
7 Ohandi ku pula oinima ivali.
Ino i anyena nge, ofimbo ndi na omwenyo.
8 Kwafele nge ndi efe po okupopya eendjovo dongaho nosho yo oipupulu.+
Ino pa nge oluhepo, ile oupuna.
Pe nge ashike oikulya ya wana,+
9 Opo ndiha kute, ndele handi ku lidimbike handi ti, “Jehova oye lyelye?”+
Ino efa nge ndi ninge ohepele ndi ka vake nokushekifa* edina laKalunga kange.
10 Ino lundila omupiya pomwene waye,Opo ehe ku finge, ndele to ka monika ondjo.+
11 Ope na epupi olo hali fingi ooxeNoihali nangeke noupuna ooina.+
12 Ope na epupi olo le litala ko la yela momesho alo vene,+Ndele inali kosholwa edilo* lalo.
13 Ope na epupi olo li na omesho e na ounhwa uneneNoli na omesho e linenepeka neenghono!+
14 Ope na epupi olo li na omayoo a fa omaongamukondaNeehamama da fa eembele dokudipaa;Ohali xwake po eehepele dokombada yeduNovakwanaluhepo mokati kovanhu.+
15 Omafundju oku na ovanakadona vavali ovo hava ingida tava ti, “Pe nge! Pe nge!”
Ope na oinima itatu oyo ihai kuta;Oinima ine oyo ihai ti nandenande, “Osha wana!”
16 Ombila*+ nosho yo omukainhu ongadji,Edu la notelwa,Nomundilo ihai ti nandenande, “Osha wana!”
17 Ou ha sheke xe noiha dulika kuina+Omesho aye otaa ka shomonwa mo komakola omefilu,Noudilona veenhwa otave ke a lya po.+
18 Ope na oinima itatu oyo nda kuminwa,*Noinima ine oyo ndihe udite ko:
19 Ondjila yonhwa keulu,Ondjila yeyoka kemanya,Ondjila yoskepa mefutaNosho yo onghedi omo omulumenhu ha ende omukainhu omunyasha.
20 Ei oyo ondjila yomukainhu omuteyi wohombo:
Ota li nokulipushula komulungu,Ndele ta ti, “Inandi ninga sha sha puka.”+
21 Ope na oinima itatu oyo hai kakamifa eduNope na oinima ine oyo itali dulu okulididimikila:
22 Ngeenge omupika ta pangele ngaashi ohamba,+Ngeenge elai tali hakana oikulya,
23 Ngeenge omukainhu oo e tondike* okwa hombolwa,Nongeenge omupiya okakadona okwa i ponhele* yomwene waye.+
24 Ope na oinima ine kombada yedu mokati koinima inininini,Ndele oi na eendunge dopaushitwe:*+
25 Eefelepuka kadi na eenghono,*Ndele ohadi longekida oikulya yado pokwenye.+
26 Ouhelemani+ kave na eenghono,*Ndele ove likongela omalukalwa momamanya.+
27 Oshipaxu+ kashi na ohamba,Ndele ohashi tukile oshita.*+
28 Okakoko+ ohaka kwatelele nomakasha ako,Nokuya mombala yohamba.
29 Ope na oinima itatu oyo hai fuula, ngeenge tai ende,Oinima ine oyo hai nyakula, ngeenge tai katuka:
30 Onghoshi oyo i na eenghono mokati koifitukuti,Noihai faduka po sha;+
31 Ombwa yokuya koukongo, oshikombo shoshindume;Nohamba i li pamwe netangakwaita layo.
32 Ngeenge owe linenepeke omolwoulai woye,+Ile wa pangela omhangela yoku shi ninga,Likwata komulungu.+
33 Osheshi ngaashi ashike omashini a shikwa hamu di omaadi,Nokufina eyulu ohaku li difa ohonde,Okutukula ehandu nako ohaku etifa eenhangu.+
Omashangelo opedu
^ Eln., “yelula.”
^ Ile “nokunyateka.”
^ Eln., “onyata.”
^ Ile “O-Sheol,” sha hala okutya, koufi. Tala Omafatululo oitya.
^ Ile “ya fuula nge unene.”
^ Ile “ehe holike.”
^ Ile “pingene po.”
^ Ile “eendunge dihapu.”
^ Eln., “ovanhu vehe na eenghono.”
^ Eln., “ovanhu vehe na eenghono.”
^ Ile “oshe litukula meengudu.”
