Omayeletumbulo 6:1-35
6 Omumwange, ngeenge owa dimina okufuta omukuli wamukweni,+Ngeenge owa ninga eudafanotwokumwe nomunailongo,+
2 Ngeenge owa kala wa yulwa keudaneko loye,Wa yulwa keendjovo dokanya koye,+
3 Omumwange, ninga ngaha, opo u limangulule ko,Osheshi owa wila momake amukweni:
Inda kuye diva noku mu indila e ku file onghenda.+
4 Ino efa omesho oye a kofe,Noipa oyo hai tuvike omesho oye i fifikine.
5 Limangulula ngaashi okapundjamenye meke lomukongo,Ngaashi okadila meke lomuteli woudila.
6 Omukwandede ove,+ tala keefelepuka;Konakona oilonga yado, opo u ninge omunaendunge.
7 Nonande kadi na omuwiliki, omupashukili, ile omupangeli,
8 Ohadi longekida oikulya yado pokwenye,+Nohadi ongele oikulya yado pefimbo leteyo.
9 Fiyo onaini, omukwandede ove, to kala wa nangala?
Onaini to ka penduka mo meemhofi?
10 Okukofa po kanini, okukumuka kanini,Okulixukata u tulumukwe,+
11 Noluhepo loye otali ke uya, ngaashi omunyeki.Naasho wa hala, ongaashi omunhu a homata.+
12 Omunhu wongaho nomukolokoshi oha ende ta popi eendjovo tadi pukifa;+
13 Oha fiikile ovanhu omesho,+ ha ningi omadidiliko neemhadi daye, noha ningi omaudi nominwe daye dokeenyala.
14 Molwaashi omutima waye ou na omakoto,Oha lalakanene alushe okulonga owii+ nokweetifa okuhaudafana.+
15 Onghee hano oshiponga shaye otashi ke mu hanga ombadilila;Nomepakumo leisho, ota ka teyauka noita ka veluka vali.+
16 Ope na oinima ihamano oyo Jehova e tonde;Ope na oinima iheyali oyo a* nyonyodola:
17 Omesho e linenepeko,+ elaka li na oipupulu,+ omake taa tileshi ohonde ihe na etimba,+
18 Omutima u na eemhangela dii,+ neemhadi odo tadi endelele okulonga owii,
19 Ondombwedi yoipupulu, oyo hai popi alushe oipupulu,+Nakeshe oo ha kunu eemhata mokati kovamwaxe.+
20 Omumwange, diinina oipango yaxo,Noino ekelashi ehongo* lanyoko.+
21 I kaleka alushe momutima woye;I mangela mofingo yoye.
22 Otai ke ku wilika, ngeenge to ende;Otai ke ku amena, ngeenge wa nangala;Notai ke ku honga,* ngeenge u li oupafi.
23 Osheshi oshipango osho olamba,+Nomhango oyo ouyelele,+Epukululo noutekuduliko oyo ondjila oyo tai twala komwenyo.+
24 Otai ke ku amena komukainhu mwii,+Keendjovo domaheka domukainhu omuholi woipala.*+
25 Omutima woye inau yandja elitulemo kuye, molwaashi muwa,+Noino hongaulwa komesho aye,
26 Osheshi ombwada tai ningi omulumenhu ohepele, ta dulu ashike okulanda omungome oo auke,+Ndele omukulukadi womulumenhu umwe ta kanififa omwenyo waumwe.
27 Omunhu ota dulu ngoo okuhumbatela omundilo moshikutu shaye, ndele tashi kala inashi pya?+
28 Ile omunhu ota dulu ngoo okweenda komakala mapyu, ndele ta kala ina pya keemhadi?
29 Osho osho tashi ka ningilwa keshe oo ta nangala nomukulukadi wamukwao;Kape na ou te mu kumu ta ka kala ina handukilwa.+
30 Ovanhu ihava mono ombudi ya ninga nai,Ngeenge ya vaka, molwaashi ya fya ondjala.*
31 Ashike ngeenge oya kwatwa, otai ka futifwa lwomapa aheyali;Otai ka yandja po oinima aishe oyo i na ongushu yomeumbo layo.+
32 Keshe oo ta i moluhaelo nomukainhu ke na eendunge;*Oo ta ningi ngaho ote lietele okumona oixuna.+
33 Ote liyehameke ashike nokudinika,+Nohoni yaye itai ka kufwa po.+
34 Osheshi ondubo ohai ningifa omushamane a kale a fula onya;Ita ka ulika nande onghenda, eshi te ke mu shunifila owii.+
35 Ita ka tambula ofuto;*Ita ka tambula ko ombili, kashi na nee mbudi kutya oku pewe eeshali dihapu shi fike peni.
