Omayeletumbulo 3:1-35
3 Omumwange, ino dimbwa ehongo* lange,Diinina oipango yange nomutima woye aushe,
2 Molwaashi otai ka hapupalifa omafiku oye,Omido doye nosho yo ombili yoye.+
3 Ino efa po ohole i na oudiinini nosho yo oudiinini.*+
I mangela mofingo yoye;I shanga koshipelende shomomutima woye;+
4 Opo nee oto ka kala wa hokiwa, noto ka kala omunaendungeMomesho aKalunga noovanhu.+
5 Lineekela muJehova+ nomutima woye aushe,Noino lineekela* meendunge doye mwene.+
6 Mu kaleka momadiladilo meendjila doye adishe,+Nota ka yukililifa omalila oye.+
7 Ino kala u lishii eendunge momesho oye mwene.+
Tila Jehova, ndele to efa po okulonga owii.
8 Osho otashi ka velula olutu loyeNotashi ka koleka omakipa oye.
9 Fimaneka Jehova nemona loye,+Pamwe noiimati oyo ya pya tete* yomoilikolomwa* yoye aishe;+
10 Opo nee eemhungulilo doye otadi ka yadifwa filufilu,+Noshikolelo shoye shomaviinyu otashi ka xunga omaviinyu mape.
11 Omumwange, ino anya outekuduliko waJehova,+Noino tonda epukululo laye,+
12 Osheshi Jehova oha pukulula ovo e hole,+Ngaashi ashike xe ha pukulula omonamati oo e hole.+
13 Omunhu oo ta kala a hafa oye oo ha mono ounongo+Nomunhu oo e na eendunge dokuyoolola;
14 Okumona ounongo oku dule okumona oshisilveri,Nokukala u u kwete ngaashi emona, oku dule okukala u na oshingoli.+
15 Ou na ondilo unene u dule omamanya ondilo eekorali;*Moinima aishe oyo wa hala, kape na osho tashi dulu okuyelekwa nao.
16 Omwenyo mule ou li meke lao lokolulyo;Oupuna nefimano oi li meke lao lokolumosho.
17 Eendjila dao odiwa,Nomalila ao aeshe oombili.+
18 Ou li omuti womwenyo kwaavo tave u diinine,Naavo tava kala ve u kanyatela otava ka kala va hafa.+
19 Jehova edu okwe li shita nounongo.+
Okwa tula eulu ponhele yalo a longifa eendunge dokuyoolola.+
20 Omolweshiivo laye, okwa tukaula omeva omouleNoilemo yokeulu oya ndoda omume.+
21 Omumwange, kaleka oinima oyo momadiladilo.*
Diinina ounongo, nokukala ho diladila pandunge;
22 Otai ke ku pa omwenyoNotai ka kala ewapalo mofingo yoye;
23 Opo nee oto ka enda mondjila yoye u li meameno,Nomhadi yoye itai ka fenunguta* nandenande.+
24 Ngeenge wa nangala, ito ka kala wa tila sha;+Oto ka nangala noto ka kofa eemhofi diwa.+
25 Ito ka kala wa tila okuhangwa koshiponga shombadilila+Nokoshikungulu osho tashi hange ovakolokoshi.+
26 Oto dulu okukala u na elineekelo kutya Jehova ote ku kwafele;+Ita ka efa omhadi yoye i ye momwiyo.+
27 Ino ongaonga okukwafela ovo ve li momhumbwe,+Ngeenge oto dulu oku va kwafela.+
28 Ino lombwela mukweni to ti: “Inda, u aluke nale. Ohandi ku pe mongula,”
Ngeenge oto dulu oku mu pa pefimbo opo.
29 Ino diladila okuningila mukweni owii,+Ngeenge okwe ku lineekela.
30 Ino tangunifa mukweni omolwoinima yongaho,+Ngeenge ine ku ningila owii washa.+
31 Ino kala wa twila ondubo omukolokoshi+Noino shikula eendjila daye,
32 Osheshi Jehova oku tonde ovanaihelele,+Ndele oha pange oukaume wopofingo novayuki.+
33 Jehova oha fingi eumbo lomukolokoshi,+Ashike oha nangeke noupuna eumbo lomuyuki.+
34 Osheshi oha sheke ovasheki,+Ashike oha file onghenda ovalininipiki.*+
35 Ovanaendunge otava ka fyuulula efimano,Ashike omalai otae likongele okufifwa ohoni.+
