Omayeletumbulo 22:1-29
22 Oshiwa okuliningila edina liwa,* ponhele yokulikongela emona lihapu;+Oshixwepo okukala wa fimanekwa* shi dulife okukala noshisilveri nosho yo oshingoli.
2 Oshipuna nosho yo ohepele ova faafana.*
Aveshe ova shitwa kuJehova.+
3 Omunaendunge ota mono oshiponga, ndele ta hondama,Ndele oo ehe na owino ota ehene popepi, ndele ta mono oilanduliko.*
4 Ondjabi yelininipiko nokutila JehovaOyo oupuna nefimano nomwenyo.+
5 Ondjila yomukengeleledi oi na omakiya nosho yo eemwiyo,Ndele oo a lenga omwenyo ote i kala kokule.+
6 Deula okamati* ka kale mondjila oyo ke na okweenda nayo;+Opo eshi taka ka kula, itaka di mo muyo.+
7 Oshipuna otashi pangele ohepele,Nomweeheli oku li omupiya waao e mu pa.+
8 Keshe oo ta kunu okuhenouyuki ota ka teya oupyakadi,+Nodibo oyo ha longifa, ngeenge a handuka, otai ka teyaulwa po.+
9 Omunhu oo ha yandje nehalo liwa* ota nangekwa noupuna,Molwaashi oha tukulilafana oikulya yaye neehepele.+
10 Taataa omusheki,Neemhata otadi ka dja po;Eenhamanana* nomatukano itai ka kala po.
11 Oo e na omutima wa koshoka noha popi eendjovo donghendaOta ka kala kaume kohamba.+
12 Omesho aJehova otaa amene eshiivo,Ashike ota xulifa po eendjovo dovanamakoto.+
13 Omukwandede ota ti: “Ope na onghoshi pondje!
Ohandi ka dipaelwa mehalandjadja!”+
14 Omilungu domukainhu oshondolo* oda fa elambo lile.+
Oo a tokolwa kuJehova ota wile mo.
15 Oulai owa kanyatela momutima wokamati,*+Ndele oshimwati shoku ka pa outekuduliko otashi u kufa mo muko.+
16 Ou ta kengelele ohepele a hapupalife emona laye,+Naau ta yandje eeshali koshipunaOta ka ninga ohepele.
17 Pakaleka okutwi kwoye u pwilikine keendjovo deendunge,+Opo u tambule ko eshiivo lange nomutima aushe,+
18 Molwaashi osha wapala oku di diinina moule womutima woye,+Opo adishe di kale alushe komilungu doye.+
19 Ohandi ku pe eshiivo nena,Opo u lineekele muJehova.
20 Onde ku shangela oinima ihapu,Opo ndi ku pe omayele neshiivo,
21 Ndi ku honge oshili neendjovo di shii okulineekelwa,Opo u dule okushuna nehokololo li li mondjila kwaao e ku tuma.
22 Ino nyeka omukwanaluhepo, molwaashi okwa hepa,+Noino fininika omufyoona poshivelo shoshilando,+
23 Molwaashi Jehova oye mwene te ke va popila momhangu,+Nota ka dipaa ovo tave va kengelele.
24 Ino endafana nomuhandunhu,Ile u kale u na ekwatafano naao ha kala a fula onya,
25 Opo uhe lihonge eendjila dayeNouhe liyule ove mwene.*+
26 Ino kala mokati kaavo hava anene nokuminika ovo ve va pa eendjo,Ovo hava yandje eshilipaleko lokushunifa omikuli.+
27 Ngeenge ku na sha shokufuta,Oto ka kufwa ombete oko ho nangala.
28 Ino lundulula edidiliko longaba ikulu,Olo la tulwa po kooxokulululwa.+
29 Mbela owa mona tuu omunhu onghulungu ta longo oilonga yaye?
Ota ka kala ofika moipafi yeehamba;+Ita ka kala ofika moipafi yovanhu vongaho.
