Omayeletumbulo 13:1-25
13 Omonamati omunaendunge oha tambula ko outekuduliko waxe,+Ndele omusheki iha pwilikine kehanyeno.*+
2 Omunhu ota ka lya osho shiwa omolwoshiimati sheendjovo* daye,+Ndele omahalo* omunamakoto omai.
3 Ou ta pangele okanya* kaye ota amene omwenyo waye,+Ashike oo ta makula unene omilungu daye ota ka hangwa koudjuu.+
4 Omukwandede okwe lihalela oinima ihapu, ashike ye* ke na sha,+Ndele oo* ha longo noudiinini ota ka kutifwa.*+
5 Omuyuki oku tonde oipupulu,+Ndele eenghatu domukolokoshi otadi mu fifa ohoni noku mu etela elengwa.
6 Ouyuki otau amene ondjila yomunhu oo ehe na ondjo,+Ndele omulunde ota ka hanaunwa po koukolokoshi waye.
7 Ope na oo he liningifa a fa oshipuna, ndele ke na sha;+Ope na yo oo he liningifa a fa ohepele, ndele oshipuna.
8 Oupuna oo oikulila yomwenyo womunhu,+Ashike eehepele ihadi kala di na outile washa.*+
9 Ouyelele wovayuki owa minikila wa twa,*+Ashike olamba yovakolokoshi otai ka dimwa.+
10 Elinenepeko otali etifa okuhaudafana,+Ashike ovo hava kongo omayele* ohava nongopala.+
11 Oupuna wa likolwa meendelelo* otau hanauka po diva,+Ndele oupuna waao ha ongele kanini nakanini* otau hapupala.
12 Ngeenge osho omunhu a teelela itashi uya, ohashi ehameke omutima waye,+Ndele ngeenge osho a teelela oshe uya, osha fa omuti womwenyo.+
13 Keshe oo e tonde ehongo* ota ka pewa ehandukilo,+Ndele oo a fimaneka omhango* ota ka pewa ondjabi.+
14 Ehongo* lomunaendunge olo odjo yomwenyo;+Ohali alula umwe meemwiyo defyo.
15 Omunhu oo e na eendunge oha ungaungiwa naye nawa kuvamwe,Ndele onghalamwenyo yovanamakoto oi yadi omaupyakadi.
16 Omunaendunge oha diladila, ofimbo ina katuka,+Ashike elai ohali holola mo oulai walo aushe.+
17 Omutumwa mwii ota etifa oupyakadi,+Ashike omutumwa omudiinini ota eta eveluko.+
18 Keshe oo ta tondo outekuduliko ota ka hepa nota ka fya ohoni,Ashike oo ta tambula ko epukululo ota ka fimanekwa.+
19 Omunhu* oha kala a hafa, ngeenge ehalo laye la wanifwa po,+Ashike elai oli tonde okweefa po owii.+
20 Oo ha ende novanaendunge ota ka kala omunaendunge,+Ndele oo ha ende nomalai, ota ka laipala.+
21 Ovalongi vowii otava ka hangwa komaudjuu,+Ashike ovayuki otava ka nangekwa noupuna.+
22 Omunhu oo ha longo ouwa oha fiile ovatekulu vaye efyuululo,Ashike emona lovalongi vowii otali tuvikililwa ovayuki.+
23 Epya lohepele la longwa nawa ohali menifa oikulya ihapu,Ashike otashi dulika li* kombwe po kokuhenouyuki.
24 Keshe oo ita longifa oshimwati* shaye, oku tonde omonamati waye,+Ashike oo e hole omonamati waye ote mu pe outekuduliko nawanawa.*+
25 Omuyuki ota li, ndele ta kutifa omwenyo waye,+Ashike medimo lomukolokoshi kamu na sha.+
Omashangelo opedu
^ Ile “kepukululo.”
^ Eln., “shokanya.”
^ Ile “omwenyo.”
^ Ile “eendjovo.”
^ Ile “omwenyo waye.”
^ Ile “omwenyo oo.”
^ Eln., “ota ka ondolwa.”
^ Eln., “udu eendjovo domatilifo.”
^ Eln., “hafa.”
^ Ile “hava kundafana pamwe.”
^ Eln., “ta ongele nomake.”
^ Ile “Oupuna wa dja moukengeleledi.”
^ Ile “ondjovo.”
^ Eln., “oshipango.”
^ Ile “Omhango.”
^ Ile “Omwenyo.”
^ Ile “a.”
^ Ile “outekuduliko; ehandukilo.”
^ Ile tashi dulika, “diva.”
