Omayeletumbulo 5:1-23
5 Omumwange, yandja elitulemo kounongo wange.
Pwilikina nelitulemo* osho handi hongo shi na sha neendunge dokuyoolola,+
2 Opo u dule okwaamena omadiladilo oyeNokwaamena eshiivo nomilungu doye.+
3 Osheshi omilungu domukainhu oshondolo* ohadi ndoda ngaashi omaadi eenyiki,+Nokanya kaye oke na omufenu ke dule omaadi.+
4 Ndele xuuninwa, ota ka kala mulula ngaashi oshimbodi shilula+Noku na eememo ngaashi eongamukonda leememo keembinga mbali.+
5 Eemhadi daye otadi ende mondjila yefyo.
Neenghatu daye otadi twala mOmbila.*
6 Iha diladila kondjila oyo tai mu twala komwenyo.
Oha tengauka mondjila yaye, noke shi shii kutya okwa finda peni.
7 Ovamwange, pwilikineni kwaame paifeNoinamu efa po osho handi popi.
8 Kaleni kokule naye;Inamu ehena popepi nomuvelo weumbo laye,+
9 Opo uha yandje po efimano loye kuvamwe+Nouha kale to mono oixuna momido doye odo da xupa ko;+
10 Opo ovanailongo vaha kufe po omamona* oye+Naasho wa longa shiha ye keumbo lomunailongo.
11 Ngeenge hasho, oto ka mona oixuna pexulilo longhalamwenyo yoye,Eshi ombelela nolutu loye tai ka fipatela po+
12 Noto ka tya: “Omolwashike nda li ndi tonde outekuduliko?
Omolwashike nda li ndi yele epukululo?
13 Inandi pwilikina kondaka yovapukululi vange,Noinandi yandja elitulemo kovahongi vange.
14 Ame onda xula po filufiluMokati keongalo alishe.”*+
15 Nwa omeva a dja mondungu yoyeNomeva taa kunguluka* a dja momufima woye.+
16 Omolwashike wa hala eefifiya doye di kungulukile pondje,Nomakungulukilo oye omeva momapandavanda?+
17 Naa kale oye oove auke,Ndele haovanailongo ovo ve li pwoove.+
18 Ofifiya* yoye nai nangekwe noupuna,Hafela pamwe nomukulukadi womounyasha woye,+
19 Oo a fa omenye* yonghadi i na onghedi iwa, noshikombo shiwa shokeemhunda.+
Omavele aye nae ku hafife efimbo keshe.
Hafela ohole yaye fiyo alushe.+
20 Omumwange, omolwashike u na okukwatwa ko komukainhu oshondolo,*Ile okupapatela wa diinina omukainhu omuholi woipala?*+
21 Jehova oku wete eendjila domunhu keshe;Oha konakona omalila aeshe omunhu.+
22 Omapuko omukolokoshi oku li omwiyo kuye,Nota ka kala a mangwa keengodi domanyono aye.+
23 Ota ka fya omolwokuhatambula ko outekudulikoNota ka kana omolwoulai waye wa pitilila.
Omashangelo opedu
^ Eln., “Pakalekela okutwi kwoye.”
^ Eln., “omunailongo.” Tala Omayel 2:16.
^ Ile “mo-Sheol,” sha hala okutya, koufi. Tala Omafatululo oitya.
^ Ile “eenghono.”
^ Eln., “Mokati kovanhu aveshe nokeongalo.”
^ Ile “mawa.”
^ Ile “Odjo yomeva.”
^ Ile “onyapi.”
^ Eln., “omunailongo.” Tala Omayel 2:16.
^ Eln., “omunailongo.” Tala Omayel 2:16.
