Omayeletumbulo 21:1-31
21 Omutima wohamba ou li meke laJehova.+
Ngaashi omakungulukilo omeva, ohe u yukifa keshe opo A hala.+
2 Eendjila adishe domunhu otadi monika da yuka pataleko laye,+Ndele Jehova oha konakona omitima.*+
3 Okulonga osho shiwa nosha yukaOsho tashi hafifa unene Jehova shi dulife eyambo.+
4 Omesho elinenepeko nomutima u na ounhwa. . . Olamba oyo tai wilike ovakolokoshi oyo oulunde.+
5 Eemhangela daavo hava longo noudiinini otadi eta ouwa,+Ndele aveshe ovo hava endelele otave lietele oluhepo.+
6 Okulikola oupuna mokupopya oipupuluOku li ngaashi oshitwime osho hashi kana po diva, omwiyo tau twala mefyo.*+
7 Okulonga owii kwovakolokoshi otaku ke va hanaunifa po,+Molwaashi inava hala okukatuka pauyuki.
8 Ondjila yomukolokoshi oya penga,Ndele oilonga yomuyuki oya yuka.+
9 Oshixwepo okukala kombada yeumbo,Shi dulife okukala meumbo limwe nomukulukadi oo e hole okutanguna.*+
10 Omunhu omukolokoshi* oha kala a halelela okulonga owii;+Iha file onghenda mukwao.+
11 Ngeenge omusheki okwa handukilwa, oo ehe na owino oha ningi omunaendunge,Nongeenge omunaendunge okwe lihongo oinima ihapu, oha mono eshiivo.*+
12 Omuyuki oha pashukile eumbo lomukolokoshi;Oha ningifa omukolokoshi a hangwe koshiponga.+
13 Keshe oo ta efa po okupwilikina kohepele, ngeenge tai pula ekwafo,Naye ota ka pula ekwafo, ndele ita nyamukulwa.+
14 Oshali i li meholeko otai loteke ehandu,+Nombubo i li meholeko* otai tukulula ehandu.
15 Okulonga osho sha yuka oshinima shihafifa komuyuki,+Ndele oshinima shinyanyalifi kwaavo hava longo owii.
16 Ou ta kanduka mo mondjila yaavo ve na eudeko lomouleOta ka tulumukwa mokati kaavo va fya.+
17 Ou e hole omalihafifo ota ka ninga ohepele;+Naau e hole omaviinyu nomaadi ita ka punapala.
18 Omukolokoshi oku li eyambo lomuyuki,Nomunamakoto ota ka kufwa po ponhele yomuyuki.+
19 Oshixwepo okukala mombuwa,Shi dulife okukala nomukulukadi oo e hole okutanguna* noha kenyanana diva.+
20 Emona nomaadi ondilo otai hangwa meumbo lomunaendunge,+Ndele elai otali hanauna* po osho li na.+
21 Keshe oo ta lalakanene ouyuki nohole i na oudiininiOta ka mona omwenyo, ouyuki nefimano.+
22 Omunaendunge ota ka finda oshilando shovanaenghonoNota ka hanauna po omakuma a pama, oo ve lineekela.+
23 Ou ta pangele okanya nelaka layeOta henuka oupyakadi.+
24 Elinenepeko, ounhwa nokulitangaOhai popilwa omunhu oo ha ningi oinima omolwelinenepeko nopehe na okudiladila koilanduliko.+
25 Omahalo omukwandede otae mu dipaifa,Molwaashi ina hala okulonga nomake aye.+
26 Omadiladilo aye ohaa kala taa pangelwa kolwisho efimbo alishe,Ndele omuyuki oha yandje nopehe na okungungunina.+
27 Eyambo lomukolokoshi oli tondifa.+
Ndele ongahelipi ngeenge ote li yandje nelinyengotomheno lii?*
28 Ondombwedi i na oipupulu otai xulu po,+Ndele omunhu oo ha pwilikine nelitulemo ota ka yandja oundombwedi muwa.*
29 Omukolokoshi ohe liningifa a fa ehe na oumbada washa,+Ndele omuyuki oha yukifa ondjila yaye.+
30 Ovo ve li omhinge naJehova kave na ounongo, eendunge dokuyoolola nosho yo omayele.+
31 Onghambe oya deulilwa efiku lolwoodi,+Ndele exupifo ola Jehova.+
Omashangelo opedu
^ Ile “omalinyengotomheno.”
^ Ile tashi dulika, “waavo tava kongo efyo.”
^ Ile “okungongota.”
^ Ile “Omwenyo womukolokoshi.”
^ Ile “oha shiiva osho e na okuninga po.”
^ Eln., “Nombubo i li ponhulo.”
^ Ile “okungongota.”
^ Eln., “pona.”
^ Ile “e na elihumbato lififa ohoni?”
^ Eln., “popya fiyo alushe.”
