Omayeletumbulo 14:1-35
14 Omukainhu omunaendunge ota tungu eumbo laye,+Ndele elai otali li teyaula po nomake alo.
2 Omunhu oo ha ende pauyuki oha tila Jehova,Ndele oo ha ende meendjila dii* oku mu tonde.
3 Eendjovo delinenepeko domalai odi li ngaashi odibo,Ndele omilungu dovanaendunge otadi va amene.
4 Apa pehe na eengobe, etemba lokulila ohali kala li yela,Ndele eenghono deenhani ohadi eta eteyo linene.
5 Ondombwedi idiinini ihai fufya,Ndele ondombwedi yoipupulu ohai popi alushe oipupulu.+
6 Omusheki ota kongo ounongo, ndele ite u mono,Ashike omunhu oo e na eudeko oha mono eshiivo noupu.+
7 Kala kokule nelai,Molwaashi ito ka mona eshiivo komilungu dalo.+
8 Ounongo ohau kwafele omunaendunge a shiive ondjila oyo e na okuya nayo,Ndele omalai ohaa pukifwa* koulai wao.+
9 Omalai nande okwa nyona sha, ohae shi yolo po ashike,*+Ndele ovayuki ohava lalakanene oukumwe.*
10 Omutima ou shii oudjuu wao vene,*Nokape na umwe ta dulu okuuda ko ehafo lao.
11 Eumbo lomukolokoshi otali ka hanaunwa po,+Ndele etwali lomuyuki otali kala po fiyo alushe.
12 Ope na ondjila oyo tai monika ya yuka komunhu,+Ndele pexulilo otai twala mefyo.+
13 Nokuli nande umwe ota yolo, omutima otau dulu okukala u udite oudjuu,Nehafo otashi dulika li xulile moluhodi.
14 Oo e na omutima u na ekuni ota ka mona oilanduliko yeendjila daye,+Ndele omunhu oo ha longo ouwa ota mono ondjabi yoilonga yaye.+
15 Omushima* oha itavele ondjovo keshe,Ndele omunaendunge oha konakona eenghatu daye adishe.+
16 Omunaendunge oha kala a lungama, noha henuka owii,Ndele elai kali na ko nasha,* nohali kala le lineekela mulo vene.
17 Omunhu oo ha handuka diva oha katuka ngaashi elai,+Ndele omunhu oo ha konakona oinima noukeka* oku tondike.
18 Omushima* ota ka fyuulula oulai,Ndele ovanaendunge otava ka dikwa oshikoroni sheshiivo.+
19 Ovanhu ovo hava longo owii otave ke linyongamena ovo hava longo ouwa,Novakolokoshi otave ke linyongamena poivelo yovayuki.
20 Ohepele oi tondike nokuli nokovashiinda shayo,+Ndele oshipuna oshi na ookaume vahapu.+
21 Ou e tonde omushiinda shaye ota nyono,Ndele ou ta file onghenda omudinwa ota kala a hafa.+
22 Mbela ovo hava diladila owii itava ka kana?
Ndele ovo va hala okulonga ouwa otava ka ulikilwa ohole i na oudiinini nosho yo oudiinini.+
23 Okulonga noudiinini ohaku eta ouwa,Ndele okupopya kwongaho otaku twala moluhepo.+
24 Oshikoroni shovanaendunge osho emona lavo;Ndele omalai otaa twikile ashike noulai wao.+
25 Ondombwedi yashili ohai xupifa eemwenyo,Ndele omupukifi oha popi alushe oipupulu.
26 Omunhu oo ha tila Jehova oha kala e mu lineekela moinima aishe,+Novana vaye otava ka kala va amenwa.+
27 Okutila Jehova oko ofifiya yomwenyo;Ohaku alula omunhu meemwiyo defyo.
28 Ohamba i na ovapangelwa vahapu otai fimanekwa unene,+Ndele omupangeli ehe na ovapangelwa ita kala po.
29 Omunhu oo iha handuka diva oku na filufilu eendunge dokuyoolola,+Ndele omunhu oo ihe lididimike, oha holola oulai waye.+
30 Omutima wa ngungumana ohau yandje omwenyo* kolutu,Ndele ondubo oyo eolelo komakipa.+
31 Ou ta kengelele omudinwa ota tuku Omushiti waye,+Ndele ou ta kenukile ohepele ote Mu+ fimanekifa.
32 Omukolokoshi ota ka hanaunwa po omolwowii waye,Ndele omuyuki ota ka amenwa omolwoudiinini waye.+
33 Omunhu oo e na eudeko oha kaleke ounongo momutima waye,+Ndele elai ohali shiivifa alushe osho li shii.
34 Ouyuki ohau fimanekifa oshiwana,+Ndele oulunde ohau fifa ovanhu ohoni.
35 Ohamba ohai hafele omupiya, oo ha katuka pandunge,+Ndele ohai handukile oo ha katuka monghedi ififa ohoni.+
Omashangelo opedu
^ Ile “doukengeleledi.”
^ Ile tashi dulika, “omalai ohaa pukifa vamwe.”
^ Ile “kae na ko nasha nombili.”
^ Ile “ove na elongelokumwe.”
^ Ile “oudjuu womwenyo wao.”
^ Ile “Omunhu oo ehe na owino.”
^ Ile “ohali tetwa ko kehandu.”
^ Ile “omunhu oo ha diladila pandunge.”
^ Ile “Oo ehe na owino.”
^ Ile “oukolele.”
