Evaengeli paMateus 1:1-25
1 Embo li na sha nondjokonona* yaJesus Kristus,* omona waDavid,+ omona waAbraham:+
2 Abraham okwa dala Isak;+Isak okwa dala Jakob;+Jakob okwa dala Juda+ novamwainamati;
3 Juda okwa dala Peres naSera;+ ina yavo okwa li Tamar;Peres okwa dala Hesron;+Hesron okwa dala Ram;+
4 Ram okwa dala Aminadab;Aminadab okwa dala Nashon;+Nashon okwa dala Salmon;
5 Salmon naRahab ova dala Boas;+Boas naRut ova dala Obed;+Obed okwa dala Isai;+
6 Isai okwa dala ohamba David.+
David okwa dala Salomo, naina yaSalomo+ okwa li omukulukadi waUria;
7 Salomo okwa dala Rehabeam;+Rehabeam okwa dala Abia;Abia okwa dala Asa;+
8 Asa okwa dala Josafat;+Josafat okwa dala Jehoram;+Jehoram okwa dala Ussia;
9 Ussia okwa dala Jotam;+Jotam okwa dala Ahas;+Ahas okwa dala Hiskia;+
10 Hiskia okwa dala Manasse;+Manasse okwa dala Amon;+Amon okwa dala Josia;+
11 Josia+ okwa dala Jekonia+ novamwainamati pefimbo lokutwalwa moukwatwa kuBabilon.+
12 Konima yokutwalwa kuBabilon, Jekonia okwa dala Salatiel;Salatiel okwa dala Serubbabel;+
13 Serubbabel okwa dala Abiud;Abiud okwa dala Eliakim;Eliakim okwa dala Asor;
14 Asor okwa dala Sadok;Sadok okwa dala Akim;Akim okwa dala Eliud;
15 Eliud okwa dala Eleasar;Eleasar okwa dala Mattan;Mattan okwa dala Jakob;
16 Jakob okwa dala Josef, omushamane waMaria, ina yaJesus,+ oo ha ifanwa Kristus.+
17 Onghee omapupi aeshe, okudja kuAbraham fiyo okuDavid, omapupi 14; okudja kuDavid fiyo opefimbo lokutwalwa kuBabilon, omapupi 14; nokudja pokutwalwa kuBabilon fiyo okuKristus, omapupi 14.
18 Ndele okudalwa kwaJesus Kristus okwa li ngaha: Eshi Maria, ina yaJesus, a li a valekwa kuJosef, okwa ninga oufimba komhepo iyapuki,*+ ofimbo va li inava hombola.
19 Ashike, molwaashi omushamane waye Josef okwa li omuyuki noka li a hala oku mu fifa ohoni moipafi, okwa li a diladila oku mu efa po meholeko.+
20 Konima eshi a diladila ngaho, tala! omweengeli waJehova* okwe mu holokela mondjodi ta ti: “Josef, omona waDavid, ino kala wa tila okuhombola po Maria,* molwaashi oufimba oo e na owomhepo iyapuki.+
21 Ota ka dala okaana okamati, nou na oku ka luka Jesus,*+ osheshi otaka ka xupifa ovanhu moulunde wavo.”+
22 Aishe oyo oya ningwa, opo ku wanifwe osho Jehova* a popya okupitila momuprofeti waye a ti:
23 “Tala! Okakadona elela otaka ka ninga oufimba, ndele taka dala okaana kokamati, notave ke ka luka Immanuel,”+ olo tali ti: “Kalunga oku li pamwe nafye.”+
24 Opo nee Josef okwa penduka meemhofi nokwa ninga ngaashi a lombwelwa komweengeli waJehova,* ndele ta twala omukulukadi waye keumbo.
25 Ashike ina nangala naye fiyo osheshi a dala okaana kokamati,+ na Josef okwe ka luka Jesus.+
Omashangelo opedu
^ Ile “nepata omo mwa dja.”
^ Ile “yaMessias; yOmuvaekwa.”
^ Ile “keenghono tadi longo.”
^ Eshi oshikando shotete shomoikando 237 opo edina laKalunga, Jehova, la holoka mOmishangwa dopaKriste dOshigreka. Tala Oshiw. A5.
^ Eln., “Ino tila okutwala omukulukadi woye Maria keumbo.”
^ Edina olo ola faafana nedina lOshiheberi Jeshua, ile Joshua, olo tali ti “Jehova exupifo.”
