Oseas 4:1-19

  • Ti pangakusaran ni Jehova iti Israel (1-8)

    • Awan ti pannakaammo maipapan iti Dios iti daga (1)

  • Idolatria ken immoral nga ar-aramid ti Israel (9-19)

    • Ti immoral nga aramid ket mangyaw-awan (12)

4  Denggenyo ti ibaga ni Jehova, O tattao ti Israel,Ta adda pangidaruman ni Jehova kadagiti umili iti daga,+Gapu ta awan ti kinapudno wenno napudno nga ayat wenno pannakaammo maipapan iti Dios iti daga.+   Immadu dagiti agkarkari iti di matungpal, agul-ulbod,+ mangpappapatay,+Agtaktakaw, ken makikamkamalala,+Ket agsasaruno dagiti mapaspasamak a panangpapatay.+   Isu nga agladingitto ti daga+Ken in-inutto a matay ti amin nga umili;Matayto dagiti atap nga animal iti tay-ak ken dagiti billit iti tangatang,Ken uray dagiti ikan iti baybay.   “Ngem awan koma ti tao a makiriri wenno mangtubngar,+Ta dagiti tattaom ket kas kadagidiay makirirriri iti padi.+   Isu a maitibkolkanto iti katengngaan ti aldaw,Ken maitibkolto a kas kenka ti propeta, kas iti pannakaitibkol ti maysa a tao iti rabii. Ket pagulimekekto* ti inam.   Mapagulimekto* dagiti tattaok, gapu iti kinaawan ti pannakaammo. Gapu ta linaksidmo ti pannakaammo,+Ilaksidkanto met iti panagserbim kaniak a kas padi;Ken gapu ta linipatmo ti linteg* ti Diosmo,+Lipatekto met dagiti annakmo.   Bayat nga umad-aduda, umad-adu met ti basolda kaniak.+ Pagbalinekto ti kinadayagda a pakaibabainanda.*   Palpalukmegenda ti bagida* no agbasol dagiti tattaok,Ken naagumda gapu iti basol dagiti tattao.   Agpadpadanto ti mapasamak kadagiti tattao ken iti padi;Singirekto ida gapu kadagiti aramidda,Ken dusaekto ida gapu kadagiti aramidda.+ 10  Mangandanto ngem saanda a mapnek.+ Makikaiddadanto kadagiti immoral* ngem saandanto a maaddaan iti annak,+Gapu ta saanda a dimngeg ken Jehova. 11  Ti panagbalangkantis,* arak, ken baro nga arakIkkatenda ti determinasion nga agaramid iti umiso.*+ 12  Agpabalakad dagiti tattaok kadagiti rebultoda a kayo,Ar-aramidenda ti ibagbaga kadakuada dagiti sarukodda;*Gapu iti panagbalangkantis,* nayaw-awanda,Ken gapu iti panagbalangkantisda,* dida kayat ti agpaituray iti Diosda. 13  Agdatonda iti tuktok ti bambantay,+Ket agpuorda kadagiti datonda iti katurturodan,Iti sirok ti kayo a roble ken kayo nga estorake ken iti tunggal dakkel a kayo,+Gapu ta nasayaat ti linongda. Dayta ti makagapu nga agbalbalangkantis* dagiti annakyo a babbaiKen makikamkamalala dagiti manugangyo a babbai. 14  Saankonto a dusaen dagiti annakyo a babbai gapu iti panagbalangkantisda,*Ken iti pannakikamalala dagiti manugangyo a babbai. Ta makikakaidda dagiti lallaki kadagiti balangkantisKen agidatdatonda a kadua dagiti balangkantis iti templo;Madadaelto dagiti kasta a tattao nga awanan iti pannakaawat.+ 15  O Israel, nupay agbalbalangkantiska,*+Saan koma a makabasol ti Juda.+ Dikay mapan idiay Gilgal+ wenno idiay Bet-aven,+Ket diyo isapata ti, ‘Isapatak iti nagan ti sibibiag a Dios a ni Jehova!’+ 16  Ta simmukir ti Israel kas iti nasukir a baka.+ Ipastoran kadi idan ni Jehova kas iti urbon a kalakian a karnero iti nalawa a pagaraban?* 17  Ti Efraim ket agdaydayaw kadagiti idolo.+ Baybay-am! 18  Apaman a maibusen ti serbesada,*Agbalindan nga immoral.* Pagay-ayat dagiti mangiturturay* kenkuana ti maibabain.+ 19  Balkutento isuna* ti angin.Ket mabaindanto gapu kadagiti datonda.”

Footnotes

Wenno “dadaelekto.”
Wenno “Madadaelto.”
Wenno “instruksion.”
Wenno mabalin nga, “Insukatda ti bukodko a dayag iti pannakaibabain.”
Kayatna a sawen, manipud kadagiti daton nga ited dagiti tattao gapu iti basolda.
Wenno “Nalabesto ti kinaimmoralda; Agaramiddanto iti prostitusion.”
Wenno “immoralidad.”
Lit., “Ikkatenda ti puso.”
Wenno “baston dagiti mammadles.”
Wenno “immoralidad.”
Wenno “immoralidad.”
Wenno “agar-aramid iti immoralidad.”
Wenno “immoralidad.”
Wenno “agar-aramidka iti immoralidad.”
Lit., “nalawa a lugar?”
Wenno “serbesada a trigo.”
Wenno “Agbalinen a nalabes ti kinaimmoralda; Agar-aramidda iti prostitusion.”
Lit., “mangsalsalaknib.”
Wenno “Itayabto.”