Oseas 11:1-12
11 “Inayatko ti Israel idi ubing pay,+Inayabak ti anakko manipud Egipto.+
2 Bayat nga ay-ayabanda* ida,Ad-adda met nga ad-adaywanda ida.+
Intultuloyda ti nagidaton kadagiti rebulto ni Baal+Ken kadagiti kinitikitan nga imahen.+
3 Ngem siak ti nangisuro iti Efraim a magna,+ inub-ubbak ida;+Ngem saanda a binigbig a pinaimbagko ida.
4 Inturturongko ida babaen ti tali dagiti tattao,* babaen ti singdan ni ayat,+Kaslaak la iti daydiay nangikkat iti sangol iti tengngedda,Ket inan-anusak ida nga inikkan iti kanenda.
5 Saandanto nga agsubli idiay Egipto, ti Asiria ti agbalinto nga arida,+Gapu ta dida kayat ti agsubli kaniak.+
6 Addanto espada nga agtayyek kadagiti siudadna+Ket dadaelenna dagiti rehas ken ikisapna dagiti tattao gapu kadagiti dakes a panggepda.+
7 Porsegido ti ilik a mangtallikud kaniak.+
Uray ayabam ida nga agsubli iti kangatuan,* awan ti agtignay.
8 Kasano koma a baybay-anka, O Efraim?+
Kasano koma nga itedka kadagiti kabusormo, O Israel?
Kasano koma a tratuenka a kas iti Adma?
Kasano koma a pagbalinenka a kas iti Zeboiim?+
Nagbalbaliw ti riknak;Ken simken* ti asik.+
9 Lapdakto ti nakaro a pungtotko.
Saankonto a dadaelen manen ti Efraim,+Ta siak ti Dios ken saanak a tao,Daydiay Nasantuan nga adda kadakayo;Dikayto rauten gapu iti pungtotko.
10 Surotendanto ni Jehova, ket ngumerngerto a kas iti leon;+Inton ngumernger, agpigergerto nga umay dagiti annakna nga aggapu iti laud.+
11 Kasladanto iti mabutbuteng a billit inton rummuarda iti Egipto,Kasladanto iti kalapati inton rummuarda idiay Asiria;+Ket pagnaedekto ida kadagiti balayda,” kuna ni Jehova.+
12 “Inul-ulbodannak ti Efraim,Inal-allilawnak ti balay ti Israel.+
Ngem makipagpagna latta ti Juda iti Dios,Ken matalek iti Daydiay Kasasantuan.”+
